شو رايكم في ها المزاد ؟؟؟؟

17 thoughts on “شو رايكم في ها المزاد ؟؟؟؟”

1. انا اضم صوتي لصوتك اخوي

   لاني اشوف وايد مستهترين بصراحه في اقسام البيع بكل الانواع

   ايك واحد يقول مزاد على السلعه الفلانيه وبداية مزاد 900 الف

   وين عايشين نحن مزاد ينفتح ب 900 الف

   ندري ان هو حلاله وكل شي ونحن مانقدر نمنعه لكن شي بالمنطق على الاقل يكون حتى الكل يتحمس ويشترك معاه

   وثاني ملاحظه يكتب مزاد وينتهي بتاريخ معيين ويصير المزاد لشخص معني ويقوم يبيعه لشخص اخر
   يعني بالمختصر المفيد الدنيا فوضى

   مفروض اللي يبا يسوي مزاد او يشارك بالمزاد يكون قد المسؤوليه ان اتسون مثل مواقع الاجنبيه يشترك بفلوس واذا اتمصخر ينسحب العربون اللي هو دافعنه

   والله ولي التوفيق

2. اتوقع قسم المزاد بالمنتدى راح يكون حلو ورائع

   1) قسم البيع والشراء مافيه مزادات وايد مثل قسم بيع ارقام الهواتف وارقام السيارات ولهالسبب ماراح يكون خامل وماراح يموت والمواضيع راح اتم فتره اطول بدون لا يرفعها اي شخص

   2) اقترح وضع المشرفين الموجودين في قسم بيع ارقام الهواتف وقسم ارقام السيارات مشرفين على القسم لخبرتهم بالاسعار الحقيقيه للمعروضات.

   3) في حالة طرح عضو لموضوع مزاد على سلعة معينه على المشرف التأكد بأن السعر المبدئي للمزاد مناسب ومب غالي ويتم رفض اي سعر يأتي من خارج المنتدى وبهالطريقه كل المزادات اللي راح تكون بالقسم حصريه لصالح المنتدى

   4) المزاد مدته اسبوع واحد فقط وعقب اسبوع يتم اغلاق الموضوع وفي حالة عدم الزيادة من الاعضاء يتم اعطاء الموضوع اسبوع إضافي نهائي

   5) تكون 3 مواضيع ارقام هواتف كل ثلاث ايام ويتم الطلب المسبق من قبل الاعضاء للمشرفين وكل ثلاث ايام يتم طرح 3 مواضيع لمزاد الارقام ويكون هالشي على كل المواضيع يعني كل ثلاث ايام يتم طرح 3 مواضيع لأرقام السيارات وبهالطريقه كل موضوع راح ياخذ حقه الكافي بالعرض

   6) وضع موضوع مثبت بطلب موضوع مزاد وكل عضو ياخذ دوره على حسب التاريخ اللي يوضعه له مشرفين القسم

   هاي بعض النقاط والاقتراحات

   والله يوفقكم

Comments are closed.