السلام عليكم ورحمة الله وبركاته
في البداية ما استهوتني السيارة عشان شكلها المصندق لكن مع الوقت زرت وكالة الفورد وشفت السيارة من الداخل بصراحة شي حلو وترتيب… عجبتني ودخلت راسي وافكر اشتريها وسعرها اعتقد انه مناسب مع المواصفات اللي فيها… سعر السيارة يبدا من 115 الف الى 135 حسب الاضافات اللي تطلبها مثل الثلاجة والدي في دي اما باقي المواصفات نفس الشيء والسيارة AWD يعني تصلح للرمل الخفيف وعائلية ومناسبة للخط ومكينتها V6 وعلى ما اعتقد 263 حصان يعني اقوى من الاكسبلورر
شو رايكم في السيارة؟
بغيت ملاحظاتكم وعلى ضوءها بتخذ القرار المر الصعب.. 
على فكرة عندي فورد اكسبلورر موديل 2004 ماشية 111 الف كلم وتشيكات الوكالة ومن فترة مغير توايرها في الوكالة والسيارة الحمد لله نظيف وما عليها كلام
مشكورين على تعليقاتكم
انا اشوف الكل ركز على شكل السيارة و محد تكلم عنها من الناحية الفنية وفوق هذا عليها ضمان وسيرفيس مجاني حتى 60 الف كلم
من ناحية المستعمل بصراحة مليت واحب ريحة الوكالة والضمان يريح بالك
وان بغيت ابيعها بعدين بشحنها اوروبا وبخليها سيارة موتى على قولة اخونا
صدقك ياريال والله ياي اقول عنها نفس الكلام
ولاكن مش قبيحة بلعكس مميزة,,
ونصيحتي لك يخوي واذا انت خاطرك فى موتر امريكي وطبعا انا اشوف الامريكي اريح خذلك اسكاليد او شي غير الفورد وطبعا نصيحتي الاخيرة لاتاخذ من الوكاله ,
خذلك من برع الوكاله موتر نظيف ويكون ماشي اشوي يعني شبه يديد وسعره بيكون جريب النص لان الامريكي يوم يطلع من الوكاله ثلث السعر اطير على طول …
وبالتوفيق لك
ما يصير احط على ظهري الاكسبلورر وهذي ابغي اتم على سيارة وحدة
بالنسبة للشكل ما اختلف معاك الشكل قبيح بس مميز وبعدين لو تاخذ لفة على الوكالة بتطلع بنظرة ثانية يعني من الداخل ما عليها كلام
الاستيشن ما احبه صار مثل النمل وحتى سواقته مب شي والناس تاخذه وراثة ابا عن جد مش قناعة في السيارة مع احترامي للسيارة انها عملية وسعرها فيها بس انا ابغي اسوق شي مريح والامريكي جدا مريح ما ابغي اكسر ظهري عشان لو بغيت ابيع السيارة احصل شراي وانا مكسح!
الصراحة
يوم اشوفها احس انها سيارة موتى مال انجليز اللي تشل التوابيت
بهذا السعر
خذ لك استيشن ال G
فية نوعية قير تماتيك جامات تماتيك من الداخل مخشب وكل شي فية
افضل لك 100 مرة
من ناحية الشكل الخارجى قبيحه جدا بس مسالة اذوق اذا عجبتك السياره خذها حق التمشيه بالشوراع والاكسلبور حق البر