شو راييكم في الكامارو اليديد اشتريه ولا ما اشتريه

17 thoughts on “شو راييكم في الكامارو اليديد اشتريه ولا ما اشتريه”

1. اخوي يعتمد حسب استعماله تبا موتر سبورت ولا فورويل ولا كروس اوفر

   تبا شي فخم ولا رياضي ولا كرف

2. السلام عليكم ورحمة الله

   كشكل وايد حلوووه وهيبة

   لكن من الداخل المواد المستخدم ردئ جدا

   كنصيح أشتر هذا

   

   

   

3. اتوكل على الله و خذلك الكامارو .. سيارة حلوة جدا بس ترا مثل ماقال اخوي سعيد القوة مب لين اهناك ..

4. السلام عليكم ورحمة الله وبركاته

   كشكل حلوة ك قوة هب ذاك الزود

   السيارة اليديدة افضل مليون مرة من المستعمل

   الله يوفقك

5. السلام عليكم

   بقولك الغالي رايي الشخصي …

   الكومارو اليديد كـ شكل خارجي ما عليه كلام أبدا و انا شخصيا تعجبني هالسياره … و الموتر توه يديد يعني شكله ما بيتغير لين كم سنه جدام …..

   و انا سألت شخصيا موظف الخدمه في وكالة ليبرتي .. لو حد يشتكي من السياره .. او اذا فيها عله معروفه (عيب مصنعي مثلا).. قالي الكومارو اليديد ما حد اشتكى منه بالمره … و سألته عن السفايف هل في منها اي شكوى … قالي ابدا ما حد اشتكى … لأن تدري هالأيام زادت الشكاوي على البريك فـ وايد من السيايير .. و انت تعرف اهمية البريك فالسبورت لازم يكون عالشعره

   بس في ملاحظه عالسياره من داخل … يقولون الديكور الداخلي مثل نوعية البلاستيك تعبان … و انا سمعت 2012 بيعدلون المواد الي يصنعون فيها الديكور الداخلي .. يعني بتكون مواد افضل

   وفي نقطه ثانيه … لو ييت تبيع السياره تنقص جيمتها … و الصراحه ما قمت أشوفه عيب فالسياره لأنه حتى الياباني قام ينزل الثلاثين و الاربعين عالبراد …

   غير جيه ما اشوف في شي … اذا انت تباها استخدام حق كم سنه توكل على الله

   و روح و اطلب تست درايف وشوف كيف السياره

   و ربي يوفقك الغالي

Comments are closed.