شو راييكم في الكامارو اليديد اشتريه ولا ما اشتريه

17 thoughts on “شو راييكم في الكامارو اليديد اشتريه ولا ما اشتريه”

1. والله يالخوي ..

   تقول ميزانيتك تجيب كمارو ..
   يعني الكمارو الجديدة 6 سلندر تمشي حالك .

   أما عن البورش والبي ام ..

   ما أنصحك تاخذ موتر ..
   سفايفه قيمة موتر ثاني ..

   اذا انت قد الموتر خذه ..

   الموتر سبورت ..وتأمينه يكون أغلى ..وسامانه يكون أغلى. ..

2. الاخوة الكرام

   بارك الله فيكم ومشكورين وما قصرتم

   والله يجعل مشورتكم ونصيحتكم في ميزان حسانتكم يا رب العالمين

   ان شاء الله بتوكل وبأخذ الكامارو يديد من الوكالة بس الصراحة

   ما اعرف الوكالات الزينة وين بالامارات فتنصحوني بأي وكالة علما بأن الميزانية تقريبا 135 الف درهم

   وشو التعديلات اللي اطلبها من الوكالة

   واطلب اي نوع من الكامارو لاني عرفت ان فيه نوعين عادي واس وعرفت ان الاس مواصفاته افضل

   ومن داخل مو بلاستيك يقول واحد من الربع نظيف من داخل

   والسموحة منكم

   انا عمري ما ركبت كامارو من قبل

   انا كنت هاوي بي ام وما غيرتها ابدا

   ومشكورين الف مرة علي اهتماكم وردودكم

   واكرر شكري لكم جميعا بارك الله فيكم

3. موفق بإذن الله … لك مني أجمل تحية .

4. السلام عليكم ياخوي

   بالنسبة للكمارو الصراحة حلو وماعليه كلام

   لكن المواد الداخلية تعبانة جدا وبلاستك بمعنى الكلمة

   انا اتشاورت وايد الصراحة قبل لا اخذ الموتر وبالنهاية اخترت

   دودج تشالينجر SRT8 2010 ولونه احمر وماشاء الله روعه

   المواد الداخلة شامواه وجلد تفصيل يدوي وسيتات اس ار تي المعروفه

   بشكل عام احلى واقوى من الكمارو وبالعكس ياخوي مابمدحها لانها عندي

   بالعكس بمدحها لاني صبرت سنة الى ما اختار السيارة وقارنت بوايد اشياء واذا حبيت اتشوفها

   انا فبوظبي وحياك … ونسيت اخبرك ان الوكالة يركبون لك فوول هدرز سييتم مع فلتر وكيت باك اذا تبا

   لكن السعر عيبها شوي … تبدأ من 207 آلاف درهم

   

   

5. شوف أخوي بالنسبة لي أفضل الكمارو على الجالنجر

   عيوب الجالنجر

   سعر مرتفع
   بدون سيرفس كونتراكت ولو تبى ادفع حول 220 الف اشتري الشلبي احسن
   والموتر من داخل أسود ف أسود
   بدون سنسر خلفي
   والتاير الأسبير بدون قاعده ومفرور بالدبهـ !!

   

   وكانت لي تجربه بالكمارو

   موتر مريح الصراحة ف الخط
   وسعرهـ حلو
   يوم تدعسه مايقولك لا
   يتوفر بألوان وايد ومن داخل برتقالي وأسود وصح أنه الديكور بلاستيك بس يعطيك شكل حلو
   وتقدر تطلب من الوكالة بدي كت أو تخطيط

   بس عيوبهـ

   الدفعات الأولى

   كان المكان اللي عدال الجير يحر معى الدعاس .. بس أحين تمام 100%
   السيارة تحسها مكتومهـ نوعا ما .. وعسب جي يبالك تركب كت باك

   —-

   والموضوع راجع لك اخوي .. ونصيحة اشتر لك موتر السنة وكالة شو مايكون أحسن لك من المراكض ف الصناعية

   وتريح راسك

   والله يوفقك إن شاء الله

Comments are closed.