ما ادري اذا صادف وشفت كثير منهن او انهن فعلا وااااايدات اللي يستعملن الفورويييل
كانت على السيارة الصغيرة وقلنا حاجة كيف بتروح الدوام من دون سيارة وتكون احسن من الدرييول اللي مشاكله اكثر من حسناته
لكن شو الحاجة اللي تخلي بنت مب معرسة ولاعليها مسؤولية تجاه اهلها توها تشتغل وبدال ماتفكر في سيارة صغيرة وتكون مريحة في السواقة وفي الحجم تروح للوكالة وتجرب آخر موديييل في الفورويييل ( مثل الاستيشن والنيسان ) وتشتريه!!!!!!!!!!!!
انا معارض البنت تسوق هالسيايير لعدة اسباب:
– انه فيها تشبه بالرجال لان مثل هالسيارات يحتاج لها قوة في الاستخدام والانثى مب مخلوقة لها الاشياء.
– انه كل ما تركب هالنوع من السيارات تنكشف ريولها وطبعا مب للكل لكن مع كثرة الاستخدام سبحان الله الواحد يحطاط.
– وسائل الامان في السيارة ماتكون واايد فعالة مثل البريك سستم فتكون معرضة للحوادث اكثر من غيرها
ما ادري شو السبب اللي يخلي البنات تتصرف مثل هالتصرف وارجو من اخواتي انهن يوضحن وجهة نظر الطرف الآخر من الموضوع .
وسلمتوا ………………….
اوافق الراي 100% في 100%
هي السالفة اللي مانخلص منها وهي ان الحرمة متساوية مع الرجال في جميع المجالات وهذ اللي هي بنت بلادي تحاول اتسويه متناسية عاداتها وتقاليدها ودينها
وجهة نظر احترمها
كرأي انج تحبي الفورويييل وبس
وطبعا ما ارضاها لاهلي
والعذر اقبح من الذنب
اتحداج انه مافي مرة من العجلة نسيتي تنزيلين ولا تبرزين ( الكراعيين ) من دون قصد
لكن مب انتي انثى اشلج والضرابة مع السيارات الثانية
واليهال بيتمشون وبيستانسون لا تحطيهم عذر الا اذا تعذر وحود الرياييل
لكن قلتي اخوج مب الاحسن يكون هو اللي يضحي
…
يمكن في فرق في التشبيه لكن اتوقع ان في السياير ما تناسب انوثه المراه …
يعني في سياير تحسين انها دفشه مثل الهمر والـ FJ ومع هذا ملاحظ هالايام اقبال الحريم على هالسياير ما ادري ليش
انا عندي تفسير يمكن تعترضون عليه .. لكن سواقه الحريم والله انها .. فيمكن كنوع من عدم الثقه في سواقتها تسوق هالنوع عشان تكون في امان اكثر
انا عن نفسي كنت اسوق استيشن و كنت استخدم نيسان اخوي قبل الاستيشن..
وقبل لا اخذ سيارتي اليديد الصالون….حجزت لي نيسان 2009 ….وكنسلت الحجز لانه ما عندي صبر اتريا لين شهر 7 عشان تنزل و استلمها و كون انه ما اعلنوا عن شكلها خفت تطلع مب شي…
…
وبعدين سواقة الفورويل نفس سواقة الصالون ..خاصة ال 8 سلندر…مافي فرق…تحط صبعك عالريس و وررررر السياره تطير…
والاستيشن 6 سلندر شوي الريس و البريك اثقل لكن عادي ما يحتاي جهد جبار….سنتين و انا اسوقه عادي
…
و مافيها تشبه بالرجال….لانه مافي قانون و لا مرسوم في العالم يقول الفورويل للرجال فقط
هي مسألة الراحه والحاية لسيارة اكبر
الحاية في استخدام الفورويل انها سيارة عائلية تكفي الكل….انا دوم اطلع و احب هلي يكونون وياي خاصة اخواني و عيال العايلة او خواتي ..فالصالون ما تكفي و اعاني من هالشي الحين ما نروم نطلع كلنا في سيارتي…يعني الفورويل عملية اكثر….
و الراحه في استخدام سيارات لفورويل انها مرتفعه و الرؤية منها افضل …الصراحة بالفورويل كنت ابركن على طول من اول دخله للبارك …اما بالصالون الرؤية ما تكون واضحه عدل و لازم عشر مرات اعدل السياره….واهم شي يسوون لك الف حساب في الشارع يعني اللي عنده فورويل و يبي ياخذ التراك الثاني يعطونه مجال يخافون على سياييرهم…اما الصالون ولا ما يسوون سالفه انقع في التراك اللي انت فيه ولا بيعبرونك….وان تجاوزتهم حشروك بالهرنات….اما بالفورويل لو تلف عليهم من اليوم لين باجر و تتجاوز يصخون من خوفهم…
يمكن انا استنكر اني اشوف وحده تسوق سياره سبورتيه مثلا ..لكن فورويل اشوف الموضوع عادي
كلهن سيارات لتقضية المشاوير….ومافيها والله الفوروريل للرياييل و الصالون للحريم…ولا مكتوب عليهن للرجال فقط….
واذا عن انه الكراعين تبين …يعتمد على الوحده و طريقة ركوبها السياره….مثلا الشباب يفجون الباب و سييده عفد ريله داخل السياره ما شاء الله و اذا نزل سيده على الارض..اما نحن لا نحط ريلنا على الحديدة و عقب ترتفع لفوق..والحديدة هاي مستواها نازل….وفي النزلة بعد البنت المفروض تحط ريلها على الحديدة عقب تنزل مب شرات الرياايل سيده على الارض و الكراعين تبين للركب….
looool
بصراحه انا معاك يعني مثلا مثل الاستيشن وشوف حرمه تسوقها بصراحه افج عيوني ماشاااااء الله مره وحده احسه مب حلوو ع البنت صراحه و
لكن ع قوله امي شيخه السياير الاستشن السياير الصغار اي حادث يسيط تكنسل السياره بس الفور ويل لا ييمكن هذا هو السبب
اعتقد في سياير شيبه الفور ويل بنات عم الفور ويل خخخخ حلووه شرات الانفنتي
كيوت وتناسب البنات يعني خير الامور الوسط لهي من حجم والاستيشن ولا من هالسيارات الصغار
والله اعلم وشكرا خخخخخ