ما ادري اذا صادف وشفت كثير منهن او انهن فعلا وااااايدات اللي يستعملن الفورويييل
كانت على السيارة الصغيرة وقلنا حاجة كيف بتروح الدوام من دون سيارة وتكون احسن من الدرييول اللي مشاكله اكثر من حسناته
لكن شو الحاجة اللي تخلي بنت مب معرسة ولاعليها مسؤولية تجاه اهلها توها تشتغل وبدال ماتفكر في سيارة صغيرة وتكون مريحة في السواقة وفي الحجم تروح للوكالة وتجرب آخر موديييل في الفورويييل ( مثل الاستيشن والنيسان ) وتشتريه!!!!!!!!!!!!
انا معارض البنت تسوق هالسيايير لعدة اسباب:
– انه فيها تشبه بالرجال لان مثل هالسيارات يحتاج لها قوة في الاستخدام والانثى مب مخلوقة لها الاشياء.
– انه كل ما تركب هالنوع من السيارات تنكشف ريولها وطبعا مب للكل لكن مع كثرة الاستخدام سبحان الله الواحد يحطاط.
– وسائل الامان في السيارة ماتكون واايد فعالة مثل البريك سستم فتكون معرضة للحوادث اكثر من غيرها
ما ادري شو السبب اللي يخلي البنات تتصرف مثل هالتصرف وارجو من اخواتي انهن يوضحن وجهة نظر الطرف الآخر من الموضوع .
وسلمتوا ………………….
ونسيت اكتب
حتى الرياييل خاصة المعرسين مب زين ياخذون فورويل…
لانه اهلهم بيركبن السياره و بتطلع الكراعييين
و منقود
انا معاك في نقطه ذكرتها وهو تكشف رجل النساء البنت ساعات تنسى تفسها او تكون مستعيله وكثرت التعود صار هالشي روتيني الله يهدي خواتنا
وفيه بنات مب نتيتهم خقه او شي فيه البعض يفكر انها للاهل مثل اذا بشلهم معاها علشان تكفي
وفيه مواتر احسها للبنت مثل المورانو . لكزس rx انفنتي ….الخ
هيه مب مسألة احب الفورويل….ولا عذر
انت طلبت راينا و انا عطيتك الراي العملي من ناحية الاستخدام….ما قلت لك والله احب الفورويل و كيفي واهلي راضيين عشان تعق علي رمستك
“عذر اقبح من ذنب”….
واذا عن الذنوب … اظن ما يحتاي ارمس و اكبر السالفه…..
انا كنت كاتبة رد طويل عريض و كنت ابا افسر اكثر محاسن الفورويل و لجوءنا لاستخدامه…وارد على ردك حرف حرف….بس اظن ردك كافي اني امسح اللي كتبته و اسكت
وفي الاخير
الحمدلله طول عمري احاسب لطريقة ركوبي لسياره سواء صالون ولا فوروبيل…
ياما بنات عندهن صالونات و كراعيهن لين الركب طالعه…
اووو اسكت احسن لي
المشكله مب في نوع السياره فوارويل او صالون مكثر البدويات يسوقن بوشنب ولند روفر
بس بنات اليوم كثير منهم او البعض مايلبسن الصروال وهذا يرجع للتربيه والاهل حتي لو صالون بتلقيها تشلح وتسوي دعايه ساديه لديها ذالك
علي الاقل قوالك كانت تسوق اتماتيك سير معهد الامارات شوف البوايات والبنات يتعلمن غير عادي ويدخلن دورات فوارويل
مرحبا …
انا ما شوف انه فيهل شي اذا الحرمة ساقت فوورويل …
بالعكس أخير لها خصوصا اذا كانوا عايله كبيره ..
وحتى لو كانت عزباء…
الفوورويل موتر مرتفع وأكثر امان من الصالون ..
الحافظ الله طبعا أولا وأخيرا …
وبخصووووووووووووووص الكراعين وما ادري شو …
اظن هاي خرابيط وما اعتقد انه في حد يرضى ان اهله يظهرون من البيت هب متحشمين …وخصوصا لبس السروال ………
هذا شي مفروغ منه ..
لن لا قدر الله البنت اذا سوت حادث وانقلوها للمستشفى .. وماكانت لابسه لبس يسترها بتكون طامه كبرى ..
يمكن تحتاج اشعه او اشياء ثانيه ضروريه ..
بناتنا متربيات واهالينا مايرضون بناتهم يظهرن وهن هب متحشمات ومتسترات من سراويل ولبس طويل
الحمد لله رب العالمين ..مجتمعنا بعده بخير