ما ادري اذا صادف وشفت كثير منهن او انهن فعلا وااااايدات اللي يستعملن الفورويييل
كانت على السيارة الصغيرة وقلنا حاجة كيف بتروح الدوام من دون سيارة وتكون احسن من الدرييول اللي مشاكله اكثر من حسناته
لكن شو الحاجة اللي تخلي بنت مب معرسة ولاعليها مسؤولية تجاه اهلها توها تشتغل وبدال ماتفكر في سيارة صغيرة وتكون مريحة في السواقة وفي الحجم تروح للوكالة وتجرب آخر موديييل في الفورويييل ( مثل الاستيشن والنيسان ) وتشتريه!!!!!!!!!!!!
انا معارض البنت تسوق هالسيايير لعدة اسباب:
– انه فيها تشبه بالرجال لان مثل هالسيارات يحتاج لها قوة في الاستخدام والانثى مب مخلوقة لها الاشياء.
– انه كل ما تركب هالنوع من السيارات تنكشف ريولها وطبعا مب للكل لكن مع كثرة الاستخدام سبحان الله الواحد يحطاط.
– وسائل الامان في السيارة ماتكون واايد فعالة مثل البريك سستم فتكون معرضة للحوادث اكثر من غيرها
ما ادري شو السبب اللي يخلي البنات تتصرف مثل هالتصرف وارجو من اخواتي انهن يوضحن وجهة نظر الطرف الآخر من الموضوع .
وسلمتوا ………………….
مممممم
كانني كشفتك يا هذا
لوول
عادي عادي
عيل شو أسوق السيارة جنها مكوك فضائي…….الله يهديك بس..جوفلي بس احصائيات الحوادث ومنو اللي مرتكبنها الشباب ولا البنات مع الأسباب؟…يعني أنا أروم أقول هالكلام للرياييل وأقول أنهم ما يعرفون يسوقون وكله يسرعون يمكن نوع من الثقة الزايدة عن اللزوم….ونفس الكلام بقول حق الأخ اللي منزل الموضوع….يعني ليش الشباب ياخذون بورش كاريرا أو أنواع من المرسيدس أو البي إم…..تراها كلها سيايير صغيرة…اسبورت…..وبس اتحط ريلك عالبترول تركض…يعني رقيقة وخفيفة مثل البنات على قولتك……بس بعد في اقبال شديد من الشباب على هالسيايير…..وما أجوف في أي اعتراض من أي حد.
وبعدين سالفة الكراعين ألحين يت عالسيارة…..والله هالأيام ما يحتاي نزلة وركوب سيايير…..سير المول وبتجوف أكثر عن الكراعين بعد وشو لابسة عباة أونه…..البنية المتسترة عدل ما بيطلع منها لا كراعين ولا ظفر حتى لو ركبت جبل.
ما أظن أنه أي حد بيروم يغير رايك أخوي وها من حقق….بس أحس الموضوع وايد بيولد شحنات سلبية وبيزعل ناس…..ومانقول إلا الله كريم.
قوية قوية
حلوة
كلام صحيح 100 %
الله يعينك ياخوي (الكلام موجهه لصاحب الموضوع) بلشت عمرك مع ام خماس شو يفكك منها ومن لسانها..؟؟!!!!
ههههههههههههههههههههه
بدون زعل بغينا نخفف التوتر لا اكثر
ما عليج يا اختي
كلن يرى الناس بعين طبعه …….
الله يستر عليكن
كل الشكر والتقدير لج