السلام عليكم ورحمة الله وبركاته

يا جماعة الخير في حد يعرف اخبار شركة الشندقاوي شو سالفتها

انا صار لي فتره احاول اتصل فخالد وما يرد
ومصطفى تلفونه مغلق

والحاله نفسها ويا ربعي وحد يقدر يوصل لهم

اذا في حد يعرف اخبارهم خبرونا..

والسموحة…..

28 thoughts on “شو سالفة الشندقاوي؟؟؟”

  1. يا جماعة الخير ….

    انا مستغرب من الشباب الي قاعدين يدافعون عن الشندغاوي …. يا جماعة الشندغاوي غير استراتيجيته … ليش مب طايعين تفهمون ….

    اول شي الناس كلهم الي كانوا داشين وياهم المحفظة (الوهمية) ردوا لهم بيزاتهم عقب سالفة احمد نديم بكم يوم … والاستراتيجية الجديده هي انك تعطيهم بيزاتك كاش ويودعونها بحساباتهم الشخصية وعقب يكونون بأمان من المصرف المركزي وغيره … يعني بالمختصر ما في اي شي يضمن فلوسك وبعد مافي اي شي يدل ان الفلوس هاي فلوسك … وازيدك من الشعر بيت … الجماعة لا يعطونك شيكات ولا اي شي … يمكن بعد عناء يعطونك ورقة عادية يكتب فيها انه متسلف منك مبلغ وقدره … وطبعا هاي الورقة بلها واشرب ميتها … لانك ما راح تقدر تروح تشتكي عليهم باي جهة لان الورقة عادية ولا مصدقة من جهة معتمدة يعني راحت عليك

    وبعدين اعرف واحد سار حقهم عسب تاخروا عليه شهرين ما عطوه وقام يحتشر عليهم قال خلاص دام انكم الحين شهرين ما عطيتوني اوكي ردوا لي بيزاتي … قالوا له نباك تطول بالك علينا شوي كمن اسبوع او شهر … قالهم انا مصر اني ابا فلوسي ,,, بالاخير قالوا له ان كنت تبا فلوسك روح مركز الشرطة وبلغ … لانه واثقين بالحركة الي سووها … بانهم دخلوا البيزات بحساباتهم وما في دليل ان البيزات هاي بيزاتك

    انصح كل واحد داخل محفظة مب معتمدة بالمصرف المركزي يسحبها لان البيزات هاي والله العظيم بيزات حرام …. يعني يمكن تستفيد انته ولكنك قاعد تظلم ناس أخرين … واعتقد محد بيننا يتمنى ياكل عياله مال حرام من ورى ظلم الناس

    اعرف اني يمكن اتوهق من بعد هالتصريحات لكني والله العظيم ما ارضى لاخواني واخواتي المسلمين يتضررون ….

    والسموحة

    السلام عليكم ورحمه الله وبركاته

    الله يعين الي داشين بالمحافظ …. بس بخصوص الشندقاوي

    اربيعي داش معاهم وكان يخبرنا عنه ويقول يوم عطاهم فلوسه …

    استلم منهم سند قبض بالمبلغ + عقد شراكه يعني هل انه فلوسه بتضيع ولا عنده امل انه يحصلها

    في حاله ثبوت انه المحفظه وهميه ….

    واتمنى الي عنده اخبار يديده انه يوافينا عشان اطمن اربيعي يوم يوصل من السفر لانه كان يفكر بالموضوع ..

  2. يا جماعة الخير ….

    انا مستغرب من الشباب الي قاعدين يدافعون عن الشندغاوي …. يا جماعة الشندغاوي غير استراتيجيته … ليش مب طايعين تفهمون ….

    اول شي الناس كلهم الي كانوا داشين وياهم المحفظة (الوهمية) ردوا لهم بيزاتهم عقب سالفة احمد نديم بكم يوم … والاستراتيجية الجديده هي انك تعطيهم بيزاتك كاش ويودعونها بحساباتهم الشخصية وعقب يكونون بأمان من المصرف المركزي وغيره … يعني بالمختصر ما في اي شي يضمن فلوسك وبعد مافي اي شي يدل ان الفلوس هاي فلوسك … وازيدك من الشعر بيت … الجماعة لا يعطونك شيكات ولا اي شي … يمكن بعد عناء يعطونك ورقة عادية يكتب فيها انه متسلف منك مبلغ وقدره … وطبعا هاي الورقة بلها واشرب ميتها … لانك ما راح تقدر تروح تشتكي عليهم باي جهة لان الورقة عادية ولا مصدقة من جهة معتمدة يعني راحت عليك

    وبعدين اعرف واحد سار حقهم عسب تاخروا عليه شهرين ما عطوه وقام يحتشر عليهم قال خلاص دام انكم الحين شهرين ما عطيتوني اوكي ردوا لي بيزاتي … قالوا له نباك تطول بالك علينا شوي كمن اسبوع او شهر … قالهم انا مصر اني ابا فلوسي ,,, بالاخير قالوا له ان كنت تبا فلوسك روح مركز الشرطة وبلغ … لانه واثقين بالحركة الي سووها … بانهم دخلوا البيزات بحساباتهم وما في دليل ان البيزات هاي بيزاتك

    انصح كل واحد داخل محفظة مب معتمدة بالمصرف المركزي يسحبها لان البيزات هاي والله العظيم بيزات حرام …. يعني يمكن تستفيد انته ولكنك قاعد تظلم ناس أخرين … واعتقد محد بيننا يتمنى ياكل عياله مال حرام من ورى ظلم الناس

    اعرف اني يمكن اتوهق من بعد هالتصريحات لكني والله العظيم ما ارضى لاخواني واخواتي المسلمين يتضررون ….

    والسموحة

  3. كل يوم يطلع لنا واحد … هذا أول مره اسمع عنه مال الاكترونيات .. واحد ذهب والثاني سيارات مستعملة واحد قطع غيار طيارات ههههههه والرابع عملات …

    انا بفتح محفظة (( قدو )) حد بيدخل شريك وياي …

    صدقك ياخوي

    انا استوتلي سالفه ويا واحد كنت متصل به عشان يستثمر عندنا فالبنك اللي كنت اشتغل فيه

    قالي كم النسبه؟

    قلتله وانا فرحان نسبتنا اعلى نسبه بين البنوك كلها الي هي 10% فالسنه!

    انا اتريا رده وكنت متوقع انه يقولي تعال خذ الشيك على طول تعرف شو قالي!

    قال انت عطني بيزاتك وانا بعطيك 30% فالشهر!

    وقتها محد كان يعرف عن المحافظ وانا كنت افكر في كلامه ورجعت اتصلت به عقب يومين اقوله كيف الاجراءات وشو الضمانات قالي بيكون بينا عقد وشيكات قلت بس خلاص الامور طيبه

    وكنت ناوي ادخل بـ 100,000 درهم

    لكن الحمدلله استوالي ظرف واحتجت البيزات

    وعقبها بكمن يوم طلعت سالفة محفظة عبدالقادر الوهميه

    قلت الف الحمدوالشكر اني ما طحت فيها!

    الله يعين اللي راحت فلوسهم

  5. السلام عليكم ورحمة الله وبركاته…………

    [[right]B]ياشباب لاتستعجلون على اي شي الصبر زين انا نفس شي داخل عند( الشندقاوي) وصارلي تقريبا 70 يوم واكثر . لكن الحمد لله كانوا يوزعون الارباح بانتظام وكنت استلم ارباحي اول باول في الموعد…
    يعني الحمد لله ساعدونا عندما ادخلونا في الشركه مالهم وكان كل شي اوكي لكن لازم علينا مانستعجل يمكن عندهم ظرف وان شاء الله تفرج ياشباب …اوصيكم بالصبر لان الصبر مفتاح الفرج ……………… وانشاء الله تفرج علينا لان انا الحين عندي بناء ولاعندي بيزات ولازم علي اصبر….

    (

    امر الله بالاستعانه بالصبر فقال تعالى ((يا أيها الذين آمنوا استعينوا بالصبر والصلاه)) وبين سبحانه أن الصابرين في معية ربهم فقال (( إن الله مع الصابرين))..)……………

Comments are closed.