شو سالفة العبي..سالفه شيقه فعلا

98 thoughts on “شو سالفة العبي..سالفه شيقه فعلا”

1. هههههههههههههههههههه

   سوالفج حلوة

2. مشكورة اختي دبي بيبي على الموضوع اللي دايما نتحاور فيه انا واختي وهو شغل المواطنات

   تدرين يتنا زيارة وحده من الاهل من يومين لابسه عباة عليها خط مخمل ووردتين مركبه عليها ((( برووووووووووووش)) اتخبرنا السالفة انها سارت عن وحده مواطنه في البيت واونها تفصيل سبيشل وخاااااااص لهاي البنت اتقول ما اتوقعت بعد ما رسمت اتقولي 2300 درهم وهو والله ما يسوى كل الشغل والقطعة 200 درهم حتى والخياطه (( المشنجلة )) لووول اتقول استحيت ووافقت لانه بصراحه تنحرجين اذا كانن مواطنات

   عسب جية انا ما اسيرلهن ولا احرج نفسي
   عن عبيي بصراحه ما افصل اكثر عن 500 درهم وهذا الرينج مالي لاني افصل وايد عبي (( شغلي الشاغل ))

   عندج في عيمان ((( خنجي )) (( دار الغلا )) (( فور يو )) وفي في حلوان والعهود في الشارجه – يعني اذا دورتي بتحصلين بعض الموديلات …

   ارسمي وفنتكي انا يوم امل من الموديلات المعتادة اصمم روحي واشتري الاغراض والكل يعيبة الحمد الله

   وبصراحه لو بتقولين بتشجعين المشاريع الوطنية بس بصراحه (( وايد مبالغين البنات المواطنات الله يهديهن ومب بس في العبي لا بعد في المكياج والعروض التجارية الاخرى ))

   احس انه الهنود والايرانية يراعون اكثر

   ^_^

   وكلمة للرجال تدرى اذا دخلتو محلات العبي عسب تشترون هديه شيلة اسكارف او اي شيء تراهم يقصون عليكم ويدبلون الاسعار *_* ترى يعرفونكم ما اتفاصلون في السعر احذروا

   والخياطه (( المشنجلة ))

   خخخخخخخخخخخخخخخخخخخخخخخخخخخ

   ترا هنيه القفطه تستحين يوم راعية المحل مواطنه …. بس على فكره مب كل الزباين يستحون الا نحن وحليلنا ….شي ما يسوون سالفه و لا يراعون

   و شرات ما تقولين يختي ارسم برووحي و اشخبط و اسير محلات الفولك اتشرى و ايلس نص ساعه اشرح للبتاني و اهدد و اتوعد …و الحمدلله تظهر النتيجه ميه ميه و لا فراخ القمعيه

3. والله لو سويت محل عبي او شغلات حق الحريم

   وكان جودة البضاعة فوق الممتازة وسعرها رخيص

   محد بيشتري منك بيقولن الحريم اخ شو ها مال بتان

   ولو يبت شغل صيني قوم بوعبود وبعتة بألأف الدراهم

   بيقولون هية هذا شغل عدل

   واحد من الربع خذ شال قص علية راعي المحل

   اونة سار ويابة لة من فوق قال لة هذا الشال مال شيوخ و و و و

   وباعة لة ب 10 الاف

   ثاني يوم سار واحد من الربع خوودموني اشترا الشال نفسة 1800

   كلة مقصة على العالم

   صح انزين شي ناس جي

   بس موووش كوول الطير بيتاكل لحمووو

   عيل اييني واحد لبناني في محل ملابس و يخرط عليه و هاي الاطعه من فرنسا و هاي الاطعه من ايطاليا و كلهم قوم بو 1000 و فوق

   و مناك مال مصانع عيمان

   لابويه يوم بنشتري شي غالي ندل بوتيكات الماركات ..و الا محل اي كلام يقص علينا ..نووو

   

4. الصراحه أنا مستغربه من الشعب الإماراتي،، إذا الشي كان غالي وسعره مايستاهل يتحسبونه هذا الشي الزين والحلو ،،، صدقيني إذا أسعارهم رخيصه محد بيفصل عندهم،،،هاي الدنيا يعني الشنط الماركات كل شنطه 3 ألاف 4 و5 و8 والله حرام معنه إتشوفين الشنطه عاديه وماتستاهل هذا السعر بس لأنه غالي وإسمه ماركه،،، إتحصلين شنط أحلى بس إذا كان رخيص محد يشتري،، الدنيا مظاهر في مظاهر ماعندنا سالفه،،، الوحده راتبها 10000 تشتريلها شنطه 5000 ليش هذا الإسراف وياريت عندها أخر الشهر شي

   والله شخصيا ما اروم اظهر من البيت بدون شنطه ماركه …كله ولا البرستيج عاد لوووول

   احس شنطه ماركه عادي يعني حتى لو 10000..ماركه عالميه و اسم راقي في مجال الازياء و الموضه و كلاس و حاله…

   بس عباه !! ماعرف ..يمكن اذا سوو عبايا ديور و جوتشي اغير رايي لووول

   

5. معقوله شي عبي وشيل بهالأسعار ؟؟ 2000 و 3000 و4000 و 5000 !!!!

   منو يشتريهن !! الصراحه شي غريب

   شي وشي وايد خبايل يشترون 000

Comments are closed.