مرحبا صبايا و شباب
اليوم بتكلم عن سالفه تخص البنات عموما بس الشباب دوم يحبون يرزون ويهم فحياكم الله ..رزة الفيس مرحب بها في هذا الموضوع الجميل
الموهيم طبعا تدرووون و الا ما تدروون ..انا دوم افصل عباياتي بروحي ..اتشرى الاكسسوارات و اخطط الموديل في مخي و اسير عند البتان في عيمان و يسوولي على كيفي …
الموهيم مليت قلت خلني افصل عن حد من هالمواطنات اللي يمدحونهم …و تبدأ عملية البحث ..عاد هاييل ما عندهم محلات ..متخششات مادري وين و لازم حد يوديج و عفسه …
اول وحده: مدحووووووووها لين صكت السما ..قلت خيبه هاي هي عيل المسكته ..و انا اسولف ويا ربيعتي و اقولها بسير عند فلانه بسوي عبي..قالت لالالالالالالالالالالا << جنه جني ظهر لها في ويها ..قتلها بلاج استهدي بالله يا فلانه شو المشكله ..قالت هاي دريولها السابق..الحين يشتغل عندنا..قتلها so? … قالت يختي هاي كل عبيها تفصلهم في بوهيل لا مشغل و لا بطيخه …و الدليل الدريول اللي فضح الحرمه راعية العبي…
قتلها يوم انها تفصل في بوهيل الا هاذو فرة حصاه روحنا بنسير …و انا اقول بلاها خياطتها عاثره ..ثرها مسويه نصب و احتيال حق الخلق و العبي بالالاف
ثاني وحده : عاد هاي عريقه جدا في مجال العبي..يمكن تكون اول وحده ظهرت …قلنا بنسير لها ..جان تقول ربيعتي تعالي براويج عباتي محلاتها و مغواتها ..قتلها اوكي..سرت اطالع عباتها ..و الا الشغل اللي عليها.انا شاريه الوار بثلاث ربيات!!! قتلها يالغاليه بكم مسويه العباه..ما احيد السعر اللي قالته..بس اظنه يقارب الالفين!!
قلت ولخيبه شحقه عاد !! بعد التنقيب بعد ربيعتنا الثانيه مسويه عباه عندها و محصله عقب الشغل اللي عليها الوار بعشر في سوق الرخام اللي مجابل سوق نايف الله يرحمه ..شحقه الالاف؟؟
ثالث وحده: مدحوووووووووووها و قالو هاي ارخص عباه عندها الساده مول مول موووووووول ب 3000 قلت ولخيبه؟؟ انا اسوي الساده ب 100 ربيه في عيمان …بس قلنا مب مشكله بنسيرلها بنطالع شو عندها ما عندها..قالووووو لالالالالالالالالالا مووووستحيل …اقولهم شحقه مستحيل ..قالولي و الله ما تستقبل حد موول الا اذا وحده من زباينها الكلوووز تدخلنا عليها!! قلت خيبه تاجرة مخدرات هاي مب عبي…ما يسوى علينا
رابع وحده : عندها فيلا في جميرا …و مدحوووها لين قالو بس…و سرنا ….دخلنا و حطنا ..ما اشوف شي ..كله شغل بتان ..حتى اللي في بوهيل احلى…و ادوور و ادووور و احاول اقتنع ..ماشي داخل مخي ..عقب يوم شفت الاسعار كله قوم بو الف و ساير..على شوووووووووو لا رقعه و لا تطريز ..و اظهر اربع برع
و خامسا سرنا محل لصاحبته المواطنه : عباه عليها 3 فصوص في اليد اليمين و 3 فصوص في اليد اليسار ب 1800..عنبوووووووووووووووووووووووووووه ….جيه شو هم فصوص الماس ؟ الا هو سوارفسكي
قلت ماشي الا ارد عند ربعي البتان مال عيمان اخير لي …قال شووو قال بنشجع المواطنات اونه ..لا بويه انا بشجع البتان و عليه و على اعدائي
وليــش هالــرد يالطــيب !!!؟؟
سبحــان الله !! عــلى طــول خــذتها نقطــه ســودا عليــنا ،، وحسبتـــها !!
يـاخي ،، إذا نحــن ما انشجعــهم ،، وانــداريهم ،، منــو غيــرنا !!؟؟ نحــن مالنــا إلا بعــض !!
يــاخوي ،، نحــن ما هاجمنــاا أبنــاء الوطــن على التجــاره !! نحــن هاجمنــاا الحــدود اللي اتعــدوها في الأسعــار !!
هــذا وهــم أدرى بحــالة الغــلا والتضخــم اللي عايشنــها خــلق الله في البــلاد !!
والمــوضوع مختــص بســالفة العبــي فقــط !!
مب أي شــي ثــاني !!
السلام عليكم ورحمة الله وبركاته
أنا مالي خص لا في عبايات ولا شيلات
أنا إختصاصي بنايات !!
الموهيم … ما عجبني رأيكم ولا نظرتكم ….
لأنكم ما تشجعوا أبناء وطنكم على العمل …والمتاجرة …
دوبي بيبي … الآن ما ضل شي رخيص …
والغالي غالي
والرخيص رخيص
ومبروك عالعباية قبل ما تفصلينها ….
“..قالولي و الله ما تستقبل حد موول الا اذا وحده من زباينها الكلوووز تدخلنا عليها!! قلت خيبه تاجرة مخدرات هاي مب عبي…ما يسوى علينا”
لوووووووووووول.
على شوووووووووو لا رقعه و لا تطريز ..و اظهر اربع برع
هههههههههههههههههههههههه
دوووم استانس على مواصيعج يا دوباي بيبي….
الصراحه انا داش استانس مالي خص فالموضوووع يا مرحبابي السااع…
الشرده…
معقوله شي عبي وشيل بهالأسعار ؟؟ 2000 و 3000 و4000 و 5000 !!!!
منو يشتريهن !! الصراحه شي غريب