اليوم سرت جمعية الشارجة التعاونية اخذ اغراض .. مع اني متعود اخذها من مكان ثاني
بس بصراحة انصدمت لفرق الاسعار الكبير… اقصد فرق الاسعار الزيادة في جمعية الشارجة التعاونية
هذا وهي مسمينها تعاونية.. والاسم في صوب واسعارها في صوب ثاني
بصراحة اسميه نصب واكل اموال الناس بالباطل واستغلال المواطنين … ولا مب معقولة توصل فرق الاسعار زيادة 80% عن السعر في محلات ثانية للمواد الغير اساسية .. وحوالي زيادة لغاية 20% للمواد المعروفة والاساسية
صدق هذا هو الربح الفاحش بعينه وبلحمه وشحمه .. واللي اكثر مستغرب منه ان اكثر زباينها من المواطنين ونادر ما تلاقي هنود او غيره…
ساعتها فهمت شو السر.. الهنود معروف عنهم ما يتسوقون الا في ارخص الاماكن عشان جي تلاقيهم تارسين الكارفور …
اما المواطنين …. لا تعليق
عموما حبيت انبه الاخوان عشان ماينقص عليهم من هالجمعية وكل حد حر في بيزاته لو حتى يحرقها ماحد يروم يقوله شي
يا جماعى الخير .. جمعية الشارقه التعاونيه من أغلى الأماكن .. سيروا اشتروا من برع و شوفوا الفرق .. في أماكن أرخص بوايد عن جمعيه الشارقه التعاونيه …
القراشية طال عمرك الاخوه أصحاب المحلات بالقرب من السوق الجديم على البحر في الشارجه وهم من الجنسية الايرانية طال عمرك واسعارهم احسن من اسعار الجمعيات والكارفور وغيره وتبى الصدق مرات اودي عمتي تشتري من عندهم اغراض حق البيت
ما ادري اذا قصد القناص شي ثاني بالقراشيه فبإمكانه يعقب على الموضوع هههههههههه
الله يعييينا
هذا مثال
اشياء غير اساسية
كريم شعر في كارفور ب 9 في الجمعية 16
شامبو 6.60 في كارفور وفي الجمعية 7
اشيا اساسية
حليب باودر ب في كارفور 58 في الجمعية 64
عصير طبيعي 8.25 في كارفور والجمعية 8.50
طبعا هذا مثال بسيط ولو عندي مجال وسرت مرة ثانية بصور السعر في الجمعية ومقارنته بالسعر في غيره …
الله يعين نحن نقول الشارقه ارخص
بس هذا واقع المعيات بالامارات اجمع
اخويه القناص شوه تعني (( بالقراشيه ))
وتسلم