اليوم سرت جمعية الشارجة التعاونية اخذ اغراض .. مع اني متعود اخذها من مكان ثاني
بس بصراحة انصدمت لفرق الاسعار الكبير… اقصد فرق الاسعار الزيادة في جمعية الشارجة التعاونية
هذا وهي مسمينها تعاونية.. والاسم في صوب واسعارها في صوب ثاني
بصراحة اسميه نصب واكل اموال الناس بالباطل واستغلال المواطنين … ولا مب معقولة توصل فرق الاسعار زيادة 80% عن السعر في محلات ثانية للمواد الغير اساسية .. وحوالي زيادة لغاية 20% للمواد المعروفة والاساسية
صدق هذا هو الربح الفاحش بعينه وبلحمه وشحمه .. واللي اكثر مستغرب منه ان اكثر زباينها من المواطنين ونادر ما تلاقي هنود او غيره…
ساعتها فهمت شو السر.. الهنود معروف عنهم ما يتسوقون الا في ارخص الاماكن عشان جي تلاقيهم تارسين الكارفور …
اما المواطنين …. لا تعليق
عموما حبيت انبه الاخوان عشان ماينقص عليهم من هالجمعية وكل حد حر في بيزاته لو حتى يحرقها ماحد يروم يقوله شي
نحن سوق الايرانيه عندنا بعد زينين مساكين حتى يقولولك اذا انته دوم تاخذ من عندهم حتى لو ما يعطي فلوس مب مشكله
حليلهم ههههههه
يعني ذاك اليوم خذنا مكسرات للدرب نقرقش ضروسنا .. عطانا راني وفيتامين سي وكولا بلاش والله
ياحليلهم
وازيدكم من الشعر بيت
الفرع الرئيسي في حلوان تفرق اسعاره عن الفروع الثانيه
على حسب العرض والطلب
وبالذات في اسعار الخضره والفواكه
يمكن إلي في الشارقة قابلة للأستخدام مراه ثانية تسوي منها غراش مشاوه
عاد أنتوا لازم تعرفون الحوه وعروقها …..
هههههههههههه
خليتوا الموضوع كله وقبضتوا القراشية
لا أطمن ……… هم نفسهم إلي طريتهم مافي شي زود
غرشه الفيمتو في الشارجه اب 7ونص وفي دبي اب 4 ونص ^_^
ليش؟!