السلام عليكم
شو هالقانون اللي انفرض ؟؟؟ بصراحة ماقوول لاحول ولا قوة الابالله
الحين صدق اذا يبت سيارة وارد وانا مواطن وهي السيارة الوحيدة
اللي انا يايبنها ينفرض علي انها تم السيارة 6 سنين في الدولة
وبعدها تنشطب من التسجيل ويرحلها صاحب السيارة لاي دوله
ثانيه ؟؟ اوكي كل هذا عشان الوكالات ؟؟عشان يصفوون اللي عندهم
ماهم يعطشوون السوق من السيايير اللي داسينها في الاستورات عندهم
ويبيعونها اكثر مما تعطيهم المصانع بـ300% مايفرضوون عليهم قانون صارم
يمنع هالأستغلال ؟؟
ارجو الرد المقنع يزاكم الله خير واذا حد فاهم اكثر ينورنا
تحياتي
مشكورين على ابداء ارائكم
والكلام هذا اصدرووه في الصحف الاماراتيه من كذا اسبوع .
وانا عندي تعقيب على كلام الاخ سرر الخاتم لموضوع
اعادة تصدير الحديد الخرده لصناعة السيارات من قبل الدول الاجنبيه الى الدول الخليجيه هذا كلام
انا ابغي اقوولك من قبل كلام الجماعه اللي يستوردون سيارات من الخارج ان السيارات اللي يجيبونها بأسعار اقل من اسعار الوكالات في الدوله
هي نفسها المصانع اللي تصدر لهذي الوكالات مع
الورنتي الانتر ناشيونال يالطيب يعني السالفه كلها
لعب من تحت الطاوله وتواقيع في الظلام ..؟؟؟
واذا كانت الخصخصه ماتطبقت رسمياً فهي تطبقة
واقعياً ومن دوون اشعار الغير واذا كانت خصخة جماعتنا اللي منا وفينا بهذا الشكل فلا والله الغريب
ارحم …واسف اذا كان كلامي جاف بعض الشي
ولكن لكل شي حد والله يستر من اللي ياي ؟
واسمحووولي على الأطاله
الصراحه انا واحد من الناس اول مره اسمع ها الكلام
اذا كان ها الكلام صج الله يعين الصراحه والله يعلم اخر شي وين بنوووصل من ورى كل ها الاشياء
اول شي السلام عليكم
وثاني شي الله كريم
واعتقد بيستوي قانون يديد انك تاخذ سيارة من الوكالة كل شهر ,, وبعد شهر تشطب السيارة وترحلها لاي دولة اخرى
عشان يستفيدون اصحاب الوكالات
والوكالة كل شهر من حقها تزيد 50 الف درهم وذلك لغلاء اسعار السيارة من الشركة المصنعه
مساكين اصحاب الوكالات ,, مساكين
هذا قانون حقوق ؟؟؟؟؟
هذا قانون حقوق الوكالات
والسموووووووووووووووووووحة
أخوي اللي اعرفه ان هاي مجرد دراسة فقط لا غير
أمس كنت اتناقش ويا استاذ جامعي عن الموضوع
قال كلام خطير :
حكيه فيما معناه ان كل واحد يبي يعمل استراتيجية معينة لازم يحسب حساب للتاثيرات السلبية لها الاستراتيجية على المجتمع قبل التاثيرات السلبية .
وسالفة العمر الافتراضي للسيارة هاي يات من خلال الاستراتيجات المعمول بها في الدول المصنعة للسيارات ، لان عندهم اكتفاء ذاتي وهم ما عندهم مصاريف شخن وتصدير وفرق عمله وايضا هامش الربح معاهم محدد
عشان كذا فما في اي اشكالية انهم يحددون عمر معين للسيارة ومن ثم يتم تغيرها .
ازيدكم من الشعر بيت
هم يغيرون السيارات القديمة بسيارات اخرى جديدة وسياراتهم القديمة يعاد تصديرها لنا
وياليتكم تعرفوا ان اغلب السيارات اليابانية والامريكية والالمانية تصدر للخليج على اساس انها حديد خرده ومن اجل اعادة التدوير لا الاستعمال .
والسموحة منكم