السلام عليكم
البارحة سرت اخذ نعال تكرمون حق العيد
النعال اللي اخذة ب 650 وامس نفسة سألت عنة ب 950 درهم خلال 6شهور
الحين انا مابناقشكم عن ارتفاع الاسعار لانة هذا الشي تعبنا منة
ابا اعرف الحمدلله الخير وايد ومحد بيبخل على عمرة بس هب حرام احط في ريولي نعال ب1000 ولا 1900 درهم
لاتقول لي كشخة وماركة
بس فكر انة في عوايل عايشة على 700 درهم شهر كامل والخدامات يكرفن شهر كامل على 400 درهم
شورايكم بهاالكلام وهل اتوافقوني علية
تبى الصراحة .. انا صح اخذ نعول مندوس فقط حق الاعياد وجي .. لكن الايااااااااام العادية .. اسير السوق الصيني .. اللي بدبي .. واخذ نعوول … بو قوووم 65 درهم و50 درهم … بو صبع عليهن نقشااات وزخاارف مثل مال الباكستانيه .. منظهرهاا وايد حلو .. يوم تتكشخ …؟ ومريح …
نفس السؤال اللي اسأله نفس لما اشتري شي غالي، دايما افكر في البشاكير والعمال واحس بالذنب…
لو قلت انة فية شارع بلندن اسمة بونــــــــــد ستريت وفية محل احذية وممكن يوصل الحذاء الخاص ( طلب خاص) بمبلغ 50000 دولار أمريكي ( خمسين الف دولار امريكي) ممكن ناس تكذب هذا الشي!!!
وهذا المحل لة زباين من كبار الممثلين من هوليود والسينما العالمية…وممكن وانت تطلب الحذاء تختار بعض حبوب الالماس او الزمرد لوضعهن على الحذاء…!
ولكن انا مستغرب من الشخص الي راتبة ضعيف ولا عندة دخل آخر ويروح يبغي يجاري الموضة ويتعب نفسة للآخر …ليش؟؟؟
فية بدايل كثيرة جدا فى السوق ، وانا أكرة شي عندي ساعة ما اشوف التاجر يريد يستغلني ويفرض علي سعرة..
ساعتها اروح ولا همتني بضاعتة السوق واسع.
والله كريـــــــــــــــــــــــم………….
يبالنا تجار نعوووول في المنتدى
عشان نبتعد عن هالغلا اللي صاير