السلام عليكم
اليوم وانا امشي في شارع الشيخ زايد بالتحديد قبل مول الامارات بكم كيلو زخني رادار ثابت (الاسود اليديد) مع اني كنت مثبت السرعة على 118 تقريباً
وانا متأكد لان صوت منبه السرعة فالسيارة يرن على سرعة 120 وما كان ران وانا ماشي .. والمعروف ان الرادارات في هالشارع تصور فوق 120 ..
وانا متعود امشي بهالسرعة دايماً هناك وما يزخني الرادار .. وحتى الي كان جدامي بعد المسكين انزخ ونقع الفلاش عليه وما كان مسرع تقريبا مثل سرعتي
حد يعرف شو سالفته هالرادار ؟
وهل فيه مجال انهم يكنسلون المخالفة ؟
بروحي مب ناقص كل يوم رادار يزخني والقهر اني ما اكون مسرع
على طاري الرادار الاسود ماخلو شارع الا وحطوه شارع الامارات شارع دبي العابر شارع الشيخ زايد شارع دبي العين على كل كيلو تحصله في ويهك والقهر بين الرادارات يحطون متحرك!!
جنه الحاله كسيفه ؟؟!!
اها زين والله
ان شاءالله ما توصل مخالفتي بعد .. مادري ليش حاطينه هالرادار عيل للخويف ولا شو
المشكلة الهنود من يشوفون الرادار يخافون ويسون اكشن فالشارع وين لو شافوا فلاش !!
وحبيت اوضع ان الرادار هذا قبل مول الامارات بكم كيلو بالاتجاه نحو البرشا
مشكور عالنصيحة .. بس المشكلة انا فيني دوده لازم امشي اقل عن السرعة الي يزخها الرادار بشوي
او امشي اكثر
شكرا عالمرور
والله ياخوي مريت بنفس الموقف تقريبا
ونا ماشي 119.. ولع الفلاش .. فلاش لونه أخضر فالصميم !!
بس كملت شهرين ولا وصلت المخالفة ولا هم يحزنون
تبا نصحتي انا اثبت السرعه علي 95 كم وفك عمري من الردارات