شو سالفة هواية الرسم والتصوير عند البنات والشباب

9 thoughts on “شو سالفة هواية الرسم والتصوير عند البنات والشباب”

1. 
   الامر لا يتعدى من كونها هواية

   الواحد يمكن يتحمس في البداية ويشتري كاميرا ويبدأ يصور ويتعلم وبعد فترة ينساها

   وأشوف انه هالهوايات اهون من اشياء كثيرة يالسين انشوفها او نسمع عنها بها الزمان

   صح الصـح ..

   الرسم موهبة من الله مثل الصوت الحسن اللي نشوفه في المنشدين او المغنين او القرّاء ..

   اما التصوير .. فـ هو اقرب للهواية .. و سهل الواحد يتعلم مبادئه

   انا عن نفسي اعتبر نفسي مصوّر .. و عندي كمرتي الاحترافيه بعدساتها و دايما وياي .. اصور طلعاتنا للبداير .. للقنص .. رحلاتنا ويا الشباب ..

   اصور الاحتفالات .. الامسيات .. و صور للذكرى في الجامعه في السكن في السفرات و و و

   و عندنا مجموعة كبيره من الاعضاء في المنتدى هو مصورين [ محترفين ]

   و هم اللي نتمنى نسمع رآيهم في هالموضوع .. و على راسهم استاذنا الحر بو شاهين

   ماشاء الله عليه مصور محترف و صوره اكثرها وطنية و كل صوره رائعه ..

   و مصورتنا آآنة .. بصراحه صورها خياليه و كل يوم تصويرها افضل من اليوم اللي قبله ..

   و صدقني ياخوي .. البنت او الولد يشغلون تفكيرهم في التصوير و الرسم افضل من التفكير في اشيا ثانيه انته ادرى فيها عني ..

   فـ المفروض نشجعهم و نساندهم ..

   و هالشي موجود و مطروح من وزارة الثقافة و الشباب .. و بعض الجمعيات خاصه في امارة الشارجه مثل جمعية التصوير الضوئي

   و عندنا مجموعة كبيرة من المصورين [ الاحترافيين ] في دولتنا و كلهم كانت بدايتهم مجرد هوايه ..

   فـ اتمنى ناخذ الموضوع من الجانب الإيجابي ..~

   __________________

2. الرسم والتصوير هوايه من لا هوايه له

3. كانت هواية والحين صارت موضه

   و هناك الكثير من المبدعين في هذا المجال الله يوفقهم

   واللي ماخذينها كموضه بعد فتره بينسونها وتشوفونهم عارضين الكيمرة للبيع في قسم البيع والشراء

4. من الرفاهيه الزايده

   زين يوم يت على الرسم والتصوير ,,هوايه حلوه ومب عيب

   احسن لهم بدال ما ينشغلون في اشياء مامنها فايده

Comments are closed.