مرحبا يااخوان
من ساعه كنت سااااير صووب اليحر , وصووب اشاير المقاام مسكرييين الطريج ويوم نزلنا شفنا فووق 6 سيااير مداعمات
ومنهن استيشن مب امبين غييير رقمها !!!!!!!!! كل قطعه فيها طايره في مكان حتى كرااسيها , وكامري ومرسيدس وبي ام وفوق 16 دوريه شرطه متواجده في المكان وسيارات اسعاف ومطافئ
وحسب مصادرنا في الشرطه لحد الحييين متأكدين من وفاه شخصييين في الحادث ع الأقل واذا حد فيكم عنده المزيد من التفاصيل يخبرنا
وهالله هالله في أعماركم يااخوان والسبب الرئيسي للحادث هو السرعه الجنووووونيه كالعاده 
ماأعتقد راح تلقى شي احينه لأنه الحادث وقع وقت العصر تقرييبا
الله يرحم المتوفين منهم ويلطف بالبقيه
الله أعلم ياخوي بس السبب الرئيسي في الحادث هو السرعه الزائده , حتى لو كان الهندي المتسبب في لو كانوا الباجيين مب مسرعيين كانوا قدروا يتفادون الحادث او كأقل تقديير تقليل الخسائر
والعتب على شبابنا ياخوي وليس على الهنووود
والدوله محتاجه لشبابها وتبا تحافظ عليهم , وأعتقد ان قريييبا راح تتغير معظم المخالفات المروريه وتكون في عقوبات صارمه ضد المخالفين والمستهترين توصل للسجن
مب سالفه لياسن الواسطه ياخوي راشد
السالفه ومافيها الطيش والتهور والأستهتار بالقوانين من الشباب وأغلبيه الحوادث الي تصير يكون المتسبب فيها شاب عمره يتراوح بين 18 و25 سنه
يعني تلقى شاب يسوق بسرعه 260 كم /ساعه في شارع السرعه المسموحه في 120 شو تقول عنه بالله عليك !!!!!!!!!!
أبغيك بس تظهر عقب الساعه 2 اذا انت من هل العين وتسير صوب شارع الظلام بتتحرا عمرك في حلبه سباق , تلقى الشباب متووولفين ومتيلسيين فوق الرمله وشباب يداعسون في الخط ويمكن فوق عشرين حادث استوى في هالخط ولكن ما من معتبر
وفي احصائيه جريب سوها تقولك يوميا 7 شباب يتوفون في الدوله بسبب حوادث السير
نحن كل المواطنين مانوصل المليوون شخص اذا كل يوم 7 شباب يموتون شكلنا خمس سنين جدام وبننقرض
لا حول و لا قوة الا بالله العظيم
و السرعه هي السبب الرئيس للحادث اكيــد !!!
ربيه يحفظنا ان شاء الله
سلاميه علييكووو
كيفيه وقوع الحادث بالظبط مااعرفها يااخوي بس فعلا حادث فظيييييييييييع جدا جدا
وأعتقد ان السرعه السبب الرئيسي للحادث لأنه في سياير منهن تقول انهن مطحوونات ومن السكراااب من قوه الحادث
الله يحفظنا ويحفظكم ان شاء الله