السلام عليكم ورحمة الله وبركاته ,,,

كل عام وانتوا بخير ,,, ونسأل الله ان يجلعنا من المقبولين في هالشهر الكريم ,,,

قرب العيد ,, وخويكم للحين محتار شو آخذ من العطور ,,

قلت في خاطري خلني أشاور الاعضاء ,,, ومنكم نستفيد

ياريت اسم العطر ,,, الموزع ,,, المبلغ ( إذا امكن ) ,,, وصورة العطر

نشوف آرائكم ,,, عسب نلحق نختار ونشتري

67 thoughts on “شو عطرك في العيد ,,؟؟؟”


  1. والله ياختي ,, تمر على اكثر من محل ونلاقي عندهم نفس العطور الاصلية وباسعار ارخص ,, بس النظرة العامة لهم انها كلها تقليد ,,

    اذا انتي مجربة ,,, والعطور تظل على الثياب فترة طويلة ,, ليش لا ,, ما يمنع انجرب هالمحل



    عيدكم مبارك ..
    وعساكم من عواده ..

    أنا جربت والله ومااتعامل الا وياه من عقب ماكنت ما أخذ الا من باريس غاليري ..
    وجربته وكله استخدم منه .. لأن بنفس جودته والله .. ونفس العطور هي ..

  2. أنا أحب الخلطات العربية

    وللعيد اشتريت ( خلطة أنس )
    من محلات عبدالصمد القرشي
    التولة ب 400 درهم

    عرض رمضان تأخذ تولة تحصل على تولة مجانا !

Comments are closed.