السلام عليكم ورحمة الله وبركاته

حبيت اعرف شو احسن علاج للعصبه ، وهل فيه مركز متخصص لازالة آلام العصبه

خويتكــــــــــــم اللي هي انا اعاني من ثاني ايام العيد وما خليت مستشفى ما سرتله ، ولا مراهم ما استخدميتهن ، ولا مسكنات ما خذتهن

اللي يعرف حد يخوز العصبه والا عياده متخصصه الله يخليكم فيدوني

والله لا يراويكم اي مكروه ان شاء الله

49 thoughts on “شو علاج العصبه”

  1. .

    حياج الرحمن أختي العزيزة Ursoul

    ما تشوفين شر وطهور إن شاء الله

    ذكرتيني بمعاناتي قبل كم شهر مع العصبة

    أهم شيء تعرفين سببها

    هل هو من البرد “المكيف” أو المخدة العالية؟!!

    أختك اضطرت تستغني عن المخدة فترة

    طبعا استخدمت مراهم مسكنة لكن مافي شيء أحسن عن الفكس الحار

    والله يعافيج إن شاء الله

    .

  2. السلام عليكم ورحمة الله وبركاته

    سلامات و ما تشوفين شر خيتو و الشي الثاني عقولة شيابنا العصبه لها مده معينه و عقب تخوز أروحها و المده تقريبا خمس أيام و الشي الثالث فيه جل يخفف ألم العصبه و أسمه fastum gel أخذيه من الصيدليه و حطيه على مكان الألم و الله يشافيج

    موفق بإذن الله … لك مني أجمل تحية .

  3. يورسول

    شي عياده في الشارجه مشهوره في هاي السوالف

    اسم العياده

    عياده كراج عثمان

    اتصلي في البداله و سالي عنهم

    بيحصلون لج قطع غيار يا السكراب

    خخخخخخخ

  4. والله في عندنا ريال من الاهل مافيه حيله كل الناس اللي فيه عصبه او كسر من قبل كانوا يونه من كل بقعه

    ما ادري اذا عندج عادي يسويها ريال بخذ لج موعد وياه

    بس وحده بوحده

    ريال شيبه

    بس قوي يحط ايده على العصبه يقطع نفس الواحد

    في العين

    رياااااااااااااااااااال لا يا خويه وين ابا ما يستوي بشوف باجر الدكتور اللي قالولي عنه ، وان شاء الله خير ما قصرت اخويه

  5. والله في عندنا ريال من الاهل مافيه حيله كل الناس اللي فيه عصبه او كسر من قبل كانوا يونه من كل بقعه

    ما ادري اذا عندج عادي يسويها ريال بخذ لج موعد وياه

    بس وحده بوحده

    ريال شيبه

    بس قوي يحط ايده على العصبه يقطع نفس الواحد

    في العين

Comments are closed.