الهدف منها انعرف شو عيوب هالسيارة و ميزاتها
وخاصة للي استعمل الرنج
قالوا عنك يالرنج خوان
وغلطان ساعة قلت بشريك
واليوم شفني صرت ندمان
لو قلت الول من يساويك
ياما مدحتك بين العربان
والحين شوف اشلون بشينك
موتر جديد ودوم خربان
اتعبتني من كثر ما اعطيك
من كل راتب نص نقصان
شي للغسيل وشي تشييك
ومن فوق هذا دوم عطشان
لو هو بحر ما اظن يسقيك
كل يوم اعبي ترس خزان
واقول تستاهل واغذيك
واللي يشوفك قال فنان
ياليت لو عندي شراويك
عقيتني في وسط كثبان
وين الجسارة اللي تحليك
ما دمت عالشارع وخربان
والونش دومه اللي يوديك
لو اني شريت الونش كسبان
اهون عليه من بلاويك
بذكر لكم قصة يالاخوان
يوم اخترب امسات لبريك
امن الوكاله خذت سامان
بـ7000آلف سفايف ويش اسميك
لو بوصفك بالوصف نيران تحرق ولا تشبع ويرضيك
الله يغشك ولد حمدان هو الي قنعني وقلت بشريك
والا ترى فالقلب نيســـــــــــــــــــــــــان
فيه ابركة والخير ما فيك
ولي يآخذة بالفعل كسبان
في كل موقع ما با يخزيك
ما هو شراتك دوم عثران
كل العرب بالشين تطريك
وعسى حريقة تشب الالمان
لي صنعوا كشرة وتغريك
عساك يا هالرنج طوفان
غلطان من يدفع ويشريك
عليك يالشراي “بنيسان”
لي من عذبته قال لبيك
القصيدة منقولة ولا اعرف منوة الشاعر
صدقك
مالقـو تصريـف benz والـbmw تحالف
وقالو صعب مانقدر ولـو حتـى ع تلميعـه
ياخوك مكينه الرنج السوبر شارج صناعه بي ام دبليو …
قول غير هالكلام …
موتر اشتريه بذيك الحسبه وفي ظرف سنتين نص جيمته لو اكثر تطيح ..مايصرف
وخله يستريح ..والعنب نروح لبنان نجنيه ابرك لنا من الطاير وشركاه
السلام عليكم
الناس أذواق
حدن يمدح الرنج و حدن يذمه
بالنسبة لي انا ماعرف شى عنه و عن سواقته لاني ماكد سقته, متعود دوم على الامريكي و بالأخص الجمس
بس الرنج الي دخل مزاجي بصراجة القديم
الباب واحد والرنج 94 الفوج
اكيد الرنج ماعقبـه ولافـي مثـل تصنيعـه
ولي يمدح سواه ادري بأنه زاد ف التحريـف
تبًيعه ( car’s) ورنج(سبورت)في الاول وباقي
وحيًه لونه الابيض ولوحاتـه بهـا تشريـف
بلون العاصمـه لحمـر وزاده زيـن تدليعـه
صنعه الامرد الاحمر وحوله مستشار يضيـف
توقع (ليزابيث)امـر انطلاقـه ثـم توديعـه
وحطوا له قماش احمر وباقـة ورد للتلطيـف
ولا اعطو امر لليابـان وامريكـا بتجميعـه
الا يابن بلادي اللـي تقولـه دونمـا التزييـف
كلامك صدق وحروفك من الاعماق نبًيعـه
مدحت الرنج بحروف الفهيم الشاعر الهديـف
يلين الشعر للي هـو شراتـك دوم ويطيعـه
وصفته وصف ماعقبه ولا مثله ابد توصيـف
كأنه سر وانت اللي عرفتـه بـس وتذيعـه
شريناه ولقينا فيه صفـات ٍ مابهـا تكليـف
تمخطر عبر هالشارع حلاتـه يـوم تطليعـه
مشى مشي الملوك اللي مهابتهم لهـا تخويـف
وقام الكل يلطم لـه تقـول فليلـة الشيعـه
وغنوا له وهو يرقص على هونه برقص خفيف
اكل جو المواتـر واستـوت بسـواه تنقيعـه
وحير كل من شافه وقالوا عن سواه ضعيـف
وقالو ماانصنع الا عشـان يكـون ترويعـه
واعلن حاكم اليابان طواري مابهـا تسويـف
وطلب تقريرن مفصل يوضح كيـف توزيعـه
وف امريكا صدر امرن يوقف كل شي توقيف
ايلين الكونجرس ياخذ قرارن لاجـل تطويعـه
مالقـو تصريـف benz والـbmw تحالف
وقالو صعب مانقدر ولـو حتـى ع تلميعـه
ولو بالغت في مدحه وغلفت الحكي تغليـف
تراه (بجد)!! يستاهل لان بـه نـاس دفيعـه
ويامن يطلب الغالي شراه بكـاش او تسليـف
وانا لي نفس ماترضى بشـي ٍقبـل تطويعـه
سلامي ياوطن زايد يـادار العلـم والتثقيـف
من اقصى الدار لين اقصاه لاهل الدار توزيعـه
…
كلمات الشاعرة
اللي ما يطول العنب ؟؟؟
اي عنب يا جماعه.. كل من هب ودب خذ له رنج
بس اللي ياخذ الرنج اكيد ياخذه للمظهر بس
وللا ما فيه شي
لا قوه
ولا مشي فالبر
ولا راحه عالخطوط
بس له هيبه بين السيايير
يعني تدفع جيمته لشكله بسسسس