السلام عليكم

اتمنى من الجميع المشاركه

وطرح الاماكن الي الواحد يروم يتحوط فيها في البلاد من ليوا لين الفجيره

لنستفيد ونفيد
جزاكم الله خير

19 thoughts on “شو من اماكن الواحد يسيرلهن في اجازة العيد في الدوله”

  2. شاليهات الفجيرة .. طبعا الحجوزات كلها فوول

    حلاته يوم تنش الصبح ع الساعه 5 ونص و توايج ع البحر ..

    المبزره الواحد ما ياخذ راحته .. ماشاء الله عليهم الشباب مب مخلين الواحد ياخذ راحته هناك سواء بروحه ولا ويا هله

    و يمدحونها خصب بعد

    بس هالعيد غير شوي عن الاعياد اللي طافت .. رمضان اللي طاف كان الجو حلو و بارد .. فيعني مالك الا الاماكن المغلقه مثل الشاليهات و الفنادق كتغيير جو

    و لو تصك درب لمسقط بعد تراها حلوة بعد .. رحتها قبل عيدين .. و محلى (مطرح) بسوقها

  5. والله ياخوي توني قاعد افكر في هالموضوع ,,,

    فكرت في عدة خيارات ,,,

    قلت بسير العين ,, المبزرة وحفيت ,, ولكن اللي شفته العيد اللي طاف ان السيارات وافقة حتى دوار الوقن ( اذا ما خاب ظني ) ,, ان شاء الله السنة غير

    دبي : مالك غير المولات … يعني بتخف وزن من كثر اللف ,,,

    الشارجة : المولات ، المتاحف الجميلة ،

    الفجيرة : صارت للعوائل افضل من العزابية ,,, كورنيش الخور + منطقة فقيت + الاودية اللي هناك ..

    إذا عن نفسي ,, انا راح اعيد في بوظبي ,, أغلب وقتي اسير البحر ( الحداق ) ,,, المولات وخاصة السنما ,, لمت شباب وسوالف

    ما داني الزحمه والحشر

    ايلس فالبيت ولا زحمة شوارع يا ريال

Comments are closed.