دعوة للنقاش
نصيحتي لهم تعديل متوسط السعر و بالذات الي شاري بالغالي. و على فترات علشان يكون عنده فرصه سريعه لتغير خطط الاستثمار و استرجاع رأس ماله باسرع وقت ممكن.
و السعر المناسب للتعديل 6:30 تقريبا او اقل.
بالتوفيق جميعا و بالذات اهل العربية الفنية.
اؤيدك تماما … انت هندسه و الله
انا اؤؤيد كلام اخونا روبرتو كارلوس.. فلم هندي ملئ بالعواطف والشاطر الي يلعبها صح
السلام عليكم وعاش من شاف موضيعك ياأخوي روجر
فكرة بصراحة جيدة ويستعملها الكثير من المستثمرين ” الحرصين” نعم أخوي روجر بدينا بالزيادة بسعر 6.95 درهم وبالموت نفذ الطلب آخر التدول ” ولو تلاحظ شاشه السوق بتلاحظ وجود طلب ب 6.95 أنا كنت فوقهم واول واحد مشي طلبي ”
اليوم أو غداً بشيل زيادة بعد وعلى فكرة كميات كبيرة ماشى لنا لاكن لابس السهم عتقوه الهنود اخيراً لانه زيادة رأس المال” نهي هاا” كلمة هندية تعني زيادة رأس مال مشوااا بوزكم السنة
بطلب اليوم بسعر 6.30 درهم بطالع ينفذ طلبى ولا ، ” أعتقد أني بكون بخيل جداً فى طلب الشراء مو مني ترى واحد وصاني بالسعر
“
لا بصراحة كل شئ جائز ولو اليوم السوق نزول أكيد أرابتك أول ضحية ينداس فى بطنها
روجر أخوي شوي شوي على أرابتك تري المحفظة عندي مليانه والسهم فيه خير صدقني وأنا أخوك ومستعد اعطيك مكرر أرباح الشركة نهاية السنة والسعر العادل المتوقع، والربع الأول من السنة القادمة هنا التحدي الكبير، الله يعطينا طولة العمر وأرد عليك وقتها وأذكرك بأسعار 2005 إذا مو قبل وياأرتفاع السوق القادم والمتوقع.
بقولك أخوي روجر انا تعلقت فى سهم الشركة أذكر ب 6.50 شهر خمسة هذه السنة كنت من المقرودين وياكثر ماحاول أزيد الكمية ولا أقدر وصبرت وشفت السهم أمامي وصل 3.41 لمت دون صدقني ياخوي طلبت وطلبت وطلبت لاكن لاحياة لمن تنادي نسبة الاجانب لابوها رفض طلبى ومع الايام رجع سعري وفوقه بوسة، القصد من الكلام هذا “مهما طار الطير يرجع على مرباه وبقتناعه” فوق 8 دراهم القصد.
ماطول عليكم لاكن لاحظ رسم السهم ادناه حيث أن الخط الاصفر يمثل قطاع الخدمات هو نازل أصلاً ويسحب الكل ، ومؤشرات السهم الاخري دون دون دون مو كشخة تشل السهم وهو تحت وتصبر شوي ولا الواحد يطير وراه فوق مثلا 8 دراهم .
خذها من أخوك حكمة شل السهم الجيد وهو نايم وبيعه وهو طاير وليس العكس وإن شاء الله دربك خضر.
وللحديث بقية
أخوك بوعبدالله
هل العربية هو السهم الوحيد الذي نزل بالسوق؟
وهل هي أول شركة تنفي زيادة رأس المال؟ لاحظ أن الشركة ذكرت أنها لن ترفع رأس المال في الوقت الحالي، وهذا له معاني كثيرة.
ودايما نقول ان اسهم الشركة عليها تجميع وفي جهات لها مصلحة أن السهم ينزل عشان تاخذ برخيص .
أما ان السهم ينزل لل 6.30 فأعتقد أنه أمر مستبعد جدا.