مرحبا صبايا و شباب
يقولكم بارحة امس انا راقده في امان الله ..لين العصر و مالي مزاج انش و ربيعاتي حارقات التلفون اسكر في ويهم و ارد ارقد …فجأة يعني سدنلي ..و الا اشوف الدنيا تتهزز و شبريتي بكبرها تختض..قلت خيبه زلزال يانا زلزال يا عيال ..و افكر اقول من اليور و المنكر اللي في البلاد لازم بيينا الزلزال و اقول وين بنخش الحين ..احيد حزة الزلزال ينخشون تحت طاوله و الا شي..انا ما عندي شي انخش تحته شبريتي صمت و طاولة التلفزيون بعد ..يعني ماشي مجال …المهم و انا افكر هالتفكير الفاشل و ايلس على الشبريه و اتصدد…جد خلصت اللودنج و بديت استوعب …قلت اوووه الله يغربلهم اقلقو منامي 
هاي الشاحنه اللي تعدل الشوارع الله يغربلها تهز الفريج علينا هز …و انا اتحرى زلزال و يايه بنخش و شده
الموهيم الحين من يومين و هاييل يخضون لنا الفريج و انا راسي يعورني ..و احس الهزه في ذنيه ..احس طبلة ذنيه ترتقل جنه عندها دور معلايه خخخخخ << 
بس والله احساس خايس و مزعج لاقصى درجه 
ابغي ارقد شوفولنا حل
ترا اذا ياني انهيار بلبس شيلتي و بصول عليهم بقب
و يا حلاوه بقا تشوفون دبي بيبي تتهاجم على الرفيق اللي يسوق التريله بشيله مال الصلاه و زنوبه برتقالي في الفريج 
هذا ثالث يوم و المعاناه مستمره 
راسي يعورني 
أخـوي الســالفه مب تعــديل شــوارع !!
في بعـض المنــاطق السكنيــه ماكــان فيــها نــظام المجــاري اليــديد (( عــزك الله )) !!
من سنتيــن ،، شــنوا حمــله على هالمنــاطق ،، وطبعــا خــربوا الشــوارع ،، لأنـهم رجعــوا كســروا جــدام البيــوت !!
اهم شي يسوون شوارع عدله مثل الناس … و مب ييون يكسرون الشارع ويصفونه مرة ثانيه شرات اللي في الشارقة … الله يعينهم… في السنه مرتين يبدلون لهم القار…
قبــل كمــن شهــر ،، عــانيت نفــس الســالفه !!؟؟
ما كــنت أرقــد ،، عشــان بــس ما أصــدع !!!
حشــره فظيعـه ،، واهتــزازات مــريبه !!
شو الفايده يصدعونا و اخر شي يسوون لنا شارع و يصفون عليه مليون مطبه
انا راضيه بالقرقره حتى …كل مشكلتي اني ابا ارقد بسلام
مافي حلاوه من غير نار .. تبون شوارع عدله استحملوا شويه اختي ههههههههههههههههه