اول شي السلام عليكم جميعا
ثانيا
مب حاله هاي من الشباب اللي يتسلون بالنت
يحطون اعلانات لبيع السيارات على الموقع الاكتروني
ولما نتصل عشان نشتري السياره يطلعلنا هندي مايعرف يرمس عربي
او يطلعلنا ريال يحليله حتى مايدري شو السالفه
اليوم شفت اعلان واتصلت واحد عارض نيسان
لما ردوا عليه رد علي واحد يحليله مسكين
قتله مخاوي شمه عارض نيسانك للبيع
قالي وين انا والنيسان وين لا خوي ماعندي نيسان لو بالاول بتزوج وعقب افكر اشتري موتر
شو هالمقالب اللي يسوونها الشباب ياخي استحوا على ويوهكم
والناس ارقامهم مب لعبه باييدينكم عشان نزعجهم
يا اخوان شي يزعل والله وعيب يعني
والسموحه منكم بس ضاربني غيظ هاي مب اول مره تستوي
والحل هو ياليت من الاداره يخلون اللي يحطون اعلاناتهم يكونون من اللي مشتركين بالمنتدى
والضيوف مايقدرون يحطون الاعلان
البلوشي
ارسل لي على الخاص اللنك
عشان اتأكد واحذفة
ونا شراتكم بذمتي عارضين موتر للبيع
اتصلت عليه رد علي وااحد قالي لا ياخووي
ويحليله كان يطلع مبارة ومندمع ازعجته
قال لا عندي موتر ولا شي غلطان
بصراحه لازم نحصل حل لهذي المواضيع
وأنا صارتلي تفس الحركه.. اتصلت في واحد عارض تمساح للبيع.. فاحتشر علي.. قتله أنا حصلت الاعلان واتصلت.. بعد شوي اتصل يعتذر ..
وأشكرك أخوي على طرحك للموضوع.. لأننا كلنا نتعرض لنفس المواقف بس محد فكر يكتب عن ها الشي..
انا من فتره حصلت واحد عارض رقم اتصالات للبيع
حلو وبسعر رخيص وحاط رقم للتواصل
وع طول اتصلتله قالي انا ماسويت اعلان ولاشي
وانته مش اول واحد يتصل فيني!!!!
غريبه… بس هذي مش مصخره هاي تسمى قلة ادب
مع احترامي لاعضاء المنتدى المحترميــــــــن