كل ليله اشوف اشيا كنت عطشانه ورحت المطبخ شفت ياهل من الين ما ادري هالشي حقيقة او لا بس انا اذكر زين رحت المطبخ ابا اشرب ماي شفت يني صغيروني يمكن يكون عمرة بين 7الى 10سنوات يالس على الفرن بدون ملامح ويه
اليوم الثاني راقدة في الصاله شفت يهال من الين لونهم ابيض يمشون في الصالة وانا كنت متروعة ويالسة اقرا القران المعوذات واية الكرسي واقول شوبلاهم ما يخافون اكيد مسلمين لانه لو كفار اول ما يسمعون القران بيشردون
ومرة كنت فليل اقرا قصة واحد مسوين له سحر هو وعياله وحرمتة وكانت القصة فيها قران فجاه سمعت صوت في الحجرة وفصل الكمبيوتر في حد بندة من الكهربا انا على بالي الواير انفصل بس بعدين شفت من المحول حد دق على الفص وبندة
ودايما اشوف وصخ في الحمام عزكم الله
وفي مرة يايبة اغراض من الجمعية وكنت يايبة اكياس وايد وبعدني مارتبتهن سرت ورقدت وقفلت الباب وشوي سمعت الباب ينفتح بالقو ويتسكر ما افتكرت عادي وبعدين سمعت الاكياس وكانه حد يالس يدور شي اتذكرت انه الباب مقفول وما عندي حد في البيت نقزت من الفراش شفت واحد لونه ابيض عادي مشى ودخل في الكبت تميت اتنافض وما تحركت لين الصبح
اما عن امس كنت راقدة وكنت مريضة كلت حبوب ورقدت حسيت في حد راقد ينبي وشوي ماسكني وكانه حاظنني خفت وايد ويلست اقرا قران لدرجة اني كنت احس ويهه بويهي واباه يخوز عني وما اقدر يلست اقرا قران وانفخ صوب ويه بعدين خاز عني
لدرجة اني دايما اشوف جروح وعلامات غريبه في رقبتي وجسمي كاني مضروبةاو شي ما ادري
شو الحل
عليج يسوره البقره وآيه الكرسي والمعوذات قبل لاتنامي هذي السنه
والله يحفظج
اختي الحل بسيط ومقدور عليه
يوميا اقري سورة البقره كامله المهم تخلصين السوره قبل لا ترقدين وصلين ركعتين قبل النوم …
وانفضي فراشج وسمي بالرحمان …ونامي على جنب اليمين مع وضع اليد ىعلى نصف الوجه وقري سورة الفاتحه واية الكرسي واواخر البقره و3 ايات الاخيره من سورة الحشر
والمعوذات …لا الانس ولا الجان ولا الشياطين بيقربونج …
توكلي على الله ..
امممممممممممم
الحين الجماعه يقرون كلامج في المنتدى وبيبندون الكمبيوتر عنج ويمكن الكهرباء كلها بعد
هههههههههههههههههههههههه
لا ما بضايق لونه ابيض نفس لون النغر لوووووووووول
بحور الصمت سؤال اذا ما بتتضايقين كيف شكله الجني فضوليه انا ادري ؟