شي غريب غريب غريب في ابوظبي !!!!!!!!!!!

42 thoughts on “شي غريب غريب غريب في ابوظبي !!!!!!!!!!!”

1. وعليكم السلام ورحمة الله وبركاته
   هالأسواق الشعبيه موجوده بكل دول العالم وتتدرج مستويات هالأسواق من بلد لآخر .
   يعني البلديه إذا توجهم يسوون طاولات لعرض بياعتهم أفضل من البسطات الأرضيه ، أما الطبخ فالأصح يسوون أكشاك أو كافتيريات للخفايف ومطاعم للوجبات .

2. .
   .

   المنظر غير حضاري على الإطلاق ..

   .

   و مثل ما قالت الأخت عشق القصيد .. مسبب أزمة بيئية في المنطقة سبت مخلفاتهم!

   أما بخصوص الأكل اللي ينطبخ عندهم، فحدث و لا حرج !!

   إذا المطاعم اللي مرخصة من دائرة التنمية و اللي تتعرض للتفتيش من البلدية و دائرة الصحة، بعدها الناس مب سالمة من شر التسمم منها ،

   فما بالك بهذا الأكل اللي الله العالم من وين ييبونه و كيف يطبخونه و يحفظونه !!

   ،

   لازم الجهات المعنية تعمل على تنظيم هـ النوع من التجمعات لأجل الصالح العام

3. هذيل مخالفين لقانون البلديه المفروض تبلغ عنهم

   بغض النظر انه فقارى ومساكين لانه تشويه لصورة البلد

   وهذا المطبخ المتنقل منو يعرف كيف طابخ وهل هذا الاكل صحي ولا لا

   وما خفي داخل مصفح وخصوصا في شعبية البتاان اعظم

4. اوببببب فرايدي ماركت الصراحه انا من محبين هذي النوعيه من الاسواق الموقته احلا اسواق شفتها وشتريت منها رومانيا والمانيه و تركيا و اليونان وتايلند اشتريت اشاء انتكاء قديمه برخص التراب +اسعار المواد رخيصه بشكل عجيب السوق عندهم يوم الاحد واليونان عندهم كرنفال ماركت يكون في شهر اربعه او خمسه ماذكر بلضبط ويكون فيه عروض من الغجر اليونانين

   سوق الجمعه في مسافي اول مابدو كان رخيص وكنت احصل عرب يالسين يبعون انتاج مزارعهم بس الحين البنغاليه مسيطرين علي كل شي والاسعار نار فوق

   سوق الجمعه في ديره في سوق الحمريه المركزي نفس الشي نار وعلي الفاضي وكله صوب والمصريه الي تبيع كشري و محشي في صوب صحن محشي 8حبات با 50 ليش صحن كشري با 40 ليش

   بسير عن الامور احلا كشري وفرش

   سامحني شاه بندر علي المشاركه الطويله

5. اتمنى ايكون في ابوظبي اسواق شعبية

   مثل سوق الجمعة او مثل الاسواق اللي

   في الامارات الشمالية

   صراحة انا واحد من مرتادي هاي الاسواق مب للتسوق لا

   بل لعيش الاجواء الحلوة بين المتسوقين هناك

   واكثر شي يعجبني السوق اللي على الطريق وانت ياي

   من الفجيرة

Comments are closed.