شي في خاطرك عن مشاريع (بن دولار يفيدك)

493 thoughts on “شي في خاطرك عن مشاريع (بن دولار يفيدك)”

1. السلام عليكم

   عندي فكرة مشروع انعرضت عليه للمشاركة فيها …

   هي ساحة العاب للاطفال اقل من 5 سنوات في مركز تجاري …..

   من وين ممكن اجيب الالعاب (نفس الي في المراكز الي يدخل فيها الطفل ويتم يلعب مدة ساعه بمبلغ معين ويكون كل شي فيها)

   اتمنى تكون فهمت قصدي … وتعطيني رايك في المشروع.

   بالتوفيق

2. مرحبا يا أخويه بن دولار.. يزاك الله خير على ها الموضوع الطيب..

   أنا بصراحه حاب أفتح مغسله سيارات في الشارجه.. وأبا معاها محل صغير لزينه السيارات وتبديل الزيوت..

   بس مب عارف من وين أبدا ولا أعرف تكلفة المشرووع..

   كل حد يقولي سو دراسه جدوى.. بس تكلف وايد.. وأنا أبا أعرف التكلفة التقريبيه للمشروع وكيف أقدر أوفر الأشياء المطلووبه وبعدين بسوي الدراسه..

   أتمنى انك تفيدني والسموووووحه ع الاطاله..

3. مشكور أستاذناfبن دولار على هذا المجهود الطيب وجزاك الله كل خير

   واذا ممكن نظرتك لمشروع سيارات الليموزين هل هو مشروع مجدي وكم نسبة الربح المتوقع من وجهة نظرك؟
   اذا تكرمت

   وتقبل تحياتي

   مرحبا فيك ياخوي وبارك الله فيك

   وتقبل الله صيامك وجزاك خير الجزا

   اذا مجال الأجارات ربح بكون متزعزع

   وفيه مخاطره كبيره

   اذا كان في مجال الشري والبيع اصحاب هذي

   السيارات يفضلون وكالاتها ولها شراينها وزباينها

   الخاصين فالمتاجره وبيع وشراها مشروع

   يطلقون عليه مشروع علي حافة الهاويه

   وانشاءلله تاخذ كلامي بطابع الأفاده
   وليس التعليم ونشاءلله اكون وصلت لك المعلومة

   اخوكم
   بن دولار

4. مشكور أستاذناfبن دولار على هذا المجهود الطيب وجزاك الله كل خير

   واذا ممكن نظرتك لمشروع سيارات الليموزين هل هو مشروع مجدي وكم نسبة الربح المتوقع من وجهة نظرك؟
   اذا تكرمت

   وتقبل تحياتي

5. بن عمي سلام عليكم ……
   انا ريال ما عندي بس
   ابا اكون رجل بزبز كيف ابدأ بداية طيبه

   الله يبارك فيك ويوفق ياخوي

   دور علي اسهل شي تتاجر فيه شو طبعك وطبع الي حولك

   اذا انت مزاجك سيارات ابدي بسيارات اذا مزاجك كمبيوتر وغيره ابدي فيهم

   واذا مزاجك سفرات ابدي بالأستيراد وتصدير

   لي حسب طبعك وطبع الي حولك ابدي مشروعك

   ونشاءلله اذا بغيت تبدي خبرني شو مجالك ونشاءلله اقدر افيدك

   اخوكم

   بن دولار

Comments are closed.