شي في خاطرك عن مشاريع (بن دولار يفيدك)

493 thoughts on “شي في خاطرك عن مشاريع (بن دولار يفيدك)”

1. السلام عليكم

   عندي فكرة مشروع انعرضت عليه للمشاركة فيها …

   هي ساحة العاب للاطفال اقل من 5 سنوات في مركز تجاري …..

   من وين ممكن اجيب الالعاب (نفس الي في المراكز الي يدخل فيها الطفل ويتم يلعب مدة ساعه بمبلغ معين ويكون كل شي فيها)

   اتمنى تكون فهمت قصدي … وتعطيني رايك في المشروع.

   بالتوفيق

   هذي ايبونها من محل في الصين اسمه تويز قيم

   وفي شركات ثانيه في سنغافوره وفي في دبي بس نصيحه لج

   علي حسب اجار المساحه تبدي مثل هذي مشاريع اذا اجار المساحه فوق 40 الف

   مانصحج اذا اقل اوكيه حطي في بالج الالعاب بس يوم الخميس والاجازات يعني طول الاسبوع

   ماشي لعب هذا بختصار ونشاءلله اي استفسار عندج تحت امرج

   اخوكم

   بن دولار

   __________________

2. السلام عليكم

   كيف حالك اخوي ..
   حبيت اشكرك عالنصايح والافكار اللي تقدمها

   بغيت استفسر منك
   شو رايك بمكتب عقارات ( يعني وساطة عقارية) في مدينة العين..
   ؟؟

   مشروع ناجح بس قبل لاتبدي لازم تكون كم ارض جاهزه للبيع ولازم تكون معارفك

   وعلاقتك الأجتماعيه كبيره بشكل ماتتصوره لازم تطب اف كل وادي ودرب

   وفالك التوفيق

   اخوكم

   بن دولار

   __________________

3. جزاك الله خير يا بن دولار

   في بالي ان افتح رخصه استيراد وتصدير المشتقات النفطيه مثل الديزل بس ما عارف كم راس المال المطلوب وهل لها مردود طيب واذا في عندك نصائح ارجو منك ان تطرحهااا

   وشكرا لتواصلك مع الجميع وفي ميزان حسناتك

   مانصحك ياخوي افضل انك تفتح استيراد وتصدير عام

   ونشاءلله بساعدك في ترتيب الشركه فالك طيب

   اخوكم

   بن دولار

   __________________

4. بيتم الرد عليكم قريب

   انشاءلله

   اخوكم

   بن دولار

5. السلام عليكم

   بالاول مشكور اخوي ع الافكار و المساعدات لي تقدمها حق الاعضاء

   و انا يا خوي عندي تقريبا من 150 الى 200 الف و ابي اشغلها

   فكرت بمحل خدمات اعراس مثل تصميم كوشات و كروت الاعراس يعنى مثل ما تقول شامل احتياجات الاعراس

   بالاضافه الى تغليف هدايا و تنظيم حفلات اعياد الميلاد و هالسوالف

   و انا من بوظبي و محتاج مشورتك

   لو هالموضوع يمشي هالايام ولا اشوف مشروع غيره

   لا هنت و الرب لك حافظ

Comments are closed.