اليوم سرت الامارات مول أدور لي لبس حق العيد
شفت فستان بسيط وناعم ولونه عيبني
معروض على واجهة المحل وهاي صورته
يوم سألت عن سعره احسه وايد مبالغ فيه ب 8300 احسه والله ما يستاهل هالسعر!!!
قلت يمكن القماش مستخرج من بطن الأسد من جي غالي و عاد لين طلعو هالقطعة من بطنه كان في خطورة وهالقطعة نادرة وايد 
والله حرام هالمبلغ ينصرف في قطعة لبس يمكن ينلبس على أكثر تقدير 10 مرات وبينفر وفي المقابل ها راتب موظف جامعي !!
هالمبلغ يوفر ايجار سكن ل 3 شهور تقريبا ويوفر مصاريف أسرة!!
هالمبلغ يمكن يأكل حوالي 8 عائلات اذا مب أكثر!!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!
الأجانب ما يشترون هالأشياء يستخفون بعقولنا وبفلوسنا هاذيل ما تهمهم الفلوس وبيدفعون
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب
هاي تجارة..وتعتمد على الأساس الأول..الأيدي العاملة قبل راس المال..
يعني..
الميتريريل..يكون ماركة إيطالية فرنسية أوربية…لكن الأيدي العاملة تكون صينيية أو هندية أو كورية..
مثلا..
مذركير ونكست ولويز كليبورون…وين مصانعهم بالهند..
ماركات أمريكية..بأمريكا تنباع..وين مقر مصانعهم بالهند وجبل علي عندنا شو رايج..!!
والأيدي العاملة سيريلانكية وتأجير المصانع أرخص..
أحنا همنا الكواليتي أو الميتيريل..ما تهمنا الأيدي العاملة وغيرها…
وشي طبيعي ينكتب
(صنع بالصين أو الهند)..
لكن الأصل أوربي…وماركة..
انا مب مهم عندي الماركة اهم شي يكون عايبني الموديل والكواليتي زين واذا شفت شي وعيبني بس سعره مب فيه مستحيل افكر اخذه
والله اني اعرف وحدة (بنت عز وخير ماشالله ) ما تلبس الا ماركات بس كله عنقاش بس لانه ماركة فرنسية والا ايطالية تشتريه والله اني كنت البس أحسن عنها و كل حد يعيبه ومن أي ماركة مب شرط يكون غالي
وأنا أحب استغل فترة التنزيلات مب بخل مني بس ليش اشتريها بألفين وانا بشوفها بعدين بربع السعر ليش ما انتظر دام ان نوعيتها زينه ومرتبة وموديلها راقي وكونها ماركة
الواحد المفروض يكون شوي اقتصادي ويسرف بذكاء وبعقل وما انخليهم يقصون علينا
الله يعييييين
حبوبة..
الماركات العالمية..تتسم بالبساطة والقصات السيمبل..وبس
بدون حشرة ولا حفلة..
يعني لو تشوفين فساتين نجمات هوليود…سادة وقصة..كم تتوقعين سعرها ما تقل عن 30ألف درهم..
ماركات عالمية لمصممين عالميين
ريد روز…
أنت شراتي..
مدمنة شنط وسوع…
سعر مناسب صح..
لكن..
نوعية تعبانة..وسيئ شكليا باللبس..وميتيريل بايخ..
مبين عليه …أسوأ صناعة وتقليد سيئ وركيك جدا..
وأعمم على كل اللي بالسوق…
والسمووحة،،،