اليوم سرت الامارات مول أدور لي لبس حق العيد
شفت فستان بسيط وناعم ولونه عيبني
معروض على واجهة المحل وهاي صورته
يوم سألت عن سعره احسه وايد مبالغ فيه ب 8300 احسه والله ما يستاهل هالسعر!!!
قلت يمكن القماش مستخرج من بطن الأسد من جي غالي و عاد لين طلعو هالقطعة من بطنه كان في خطورة وهالقطعة نادرة وايد 
والله حرام هالمبلغ ينصرف في قطعة لبس يمكن ينلبس على أكثر تقدير 10 مرات وبينفر وفي المقابل ها راتب موظف جامعي !!
هالمبلغ يوفر ايجار سكن ل 3 شهور تقريبا ويوفر مصاريف أسرة!!
هالمبلغ يمكن يأكل حوالي 8 عائلات اذا مب أكثر!!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!
الأجانب ما يشترون هالأشياء يستخفون بعقولنا وبفلوسنا هاذيل ما تهمهم الفلوس وبيدفعون
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب
يا خوي تراني اتصرفت
واشتريت لي جواتي اثنين علي 600 اوني عاد امشتي
هههههههههههههههاي
سهمي عالي
صدقج .. شي فساتين كششششخه ومب ماركة بعد .. وارخص عن جي !
وبو ماركة يطلع عنقاش وما يخصه في الموضة بس الناس تركض ورى الاسم ومناك اخرطي ..
اسكت
يا ريال النعل وصلن الى ارقام قياسية من 2000 وفوق سير النورس و باشوتي و في ماركة نسيت اسمها بعد في المارينا ومول الوحدة
ارقام خيالية
معقولة النعل اغلى من الجواتي ؟ مع الشغل في الجواتي اكثر و اصعب
يخسي هالفستان جذة جيمته ،،،
وحتى لو كان ماركة ،،، لانه مب هالكثر
انا ماخذه عمه بالف وشوي ،،،
لكن والله ما يسوى هالسعر عليه …
اختي اذا بتخيطين شراته اكيد احسن لج وما بيظهر عليج غالي ،،،
وصدق اخوي رحال … هذه جيمة الايجار وراتب الموظفين …
وموفقة يا غلاهم
والسمووووحه
اختكم
سهمي عالي
قصو علينا وقالو ماركة … وهاي كلمة وصدقناها
أغلب اللي ع قولتهم ماركة يطلع صناعة صينية
باقي بس نشتري كفن ماركة ونجابل به رب العالمين !