اليوم سرت الامارات مول أدور لي لبس حق العيد
شفت فستان بسيط وناعم ولونه عيبني
معروض على واجهة المحل وهاي صورته
يوم سألت عن سعره احسه وايد مبالغ فيه ب 8300 احسه والله ما يستاهل هالسعر!!!
قلت يمكن القماش مستخرج من بطن الأسد من جي غالي و عاد لين طلعو هالقطعة من بطنه كان في خطورة وهالقطعة نادرة وايد 
والله حرام هالمبلغ ينصرف في قطعة لبس يمكن ينلبس على أكثر تقدير 10 مرات وبينفر وفي المقابل ها راتب موظف جامعي !!
هالمبلغ يوفر ايجار سكن ل 3 شهور تقريبا ويوفر مصاريف أسرة!!
هالمبلغ يمكن يأكل حوالي 8 عائلات اذا مب أكثر!!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!
الأجانب ما يشترون هالأشياء يستخفون بعقولنا وبفلوسنا هاذيل ما تهمهم الفلوس وبيدفعون
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب
وانت صادق .. نحن المقصة !
تسلم يا خوية دايما احط جدام عيني هالمنطق واراقب نفسي يوم اصرف بيزاتي
ولا النعمة زوالة ونحن مب حاسين فيها ..
انا اشهد انك صادق
بس عندي ســـــــــــــــــؤال وين الرقابه و وزاره الاقتصاد عن تلاعب المحلات ؟؟؟
يا اخوي النعلان بياخذهن المواطن الدفيع (المقصة)
اما الجواتي فاخوانا الهنود والزلمات محد يروم يقص عليهم
اختي الكريمة ..
الله يهني ريلج بج .. وان كنتي مب معرسه الله يرزقج ولد الحلال اللي يستاهلج ويسعدج
النعمة تبى حمد وشكر .. وتقدير
مب بطره وفشره ع الفاضي
تفكيرج سليم .. ادفعي .. بس في شي يستاهل
وكلما نويتي تدفعين .. سوي مثل ماقلتي .. تذكري ان في ناس مب لاقين ياكلون .. فكري في المبلغ اللي بتدفعينه .. في شي يستاهل والا لأ ..