اليوم سرت الامارات مول أدور لي لبس حق العيد
شفت فستان بسيط وناعم ولونه عيبني
معروض على واجهة المحل وهاي صورته
يوم سألت عن سعره احسه وايد مبالغ فيه ب 8300 احسه والله ما يستاهل هالسعر!!!
قلت يمكن القماش مستخرج من بطن الأسد من جي غالي و عاد لين طلعو هالقطعة من بطنه كان في خطورة وهالقطعة نادرة وايد 
والله حرام هالمبلغ ينصرف في قطعة لبس يمكن ينلبس على أكثر تقدير 10 مرات وبينفر وفي المقابل ها راتب موظف جامعي !!
هالمبلغ يوفر ايجار سكن ل 3 شهور تقريبا ويوفر مصاريف أسرة!!
هالمبلغ يمكن يأكل حوالي 8 عائلات اذا مب أكثر!!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!
الأجانب ما يشترون هالأشياء يستخفون بعقولنا وبفلوسنا هاذيل ما تهمهم الفلوس وبيدفعون
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب
شباب تبون نصيحتي قصوا تذكرة لين تايلند
أنا راجع من هناك قبل إسبوعين
والله نعل وإنتوا بكرامة احسن عن الموجود عندنا ب 1000 بات يعني 100 درهم وشي منهم 500 بات يعني 50 درهم
لا وتفصل لك جوتي جلد تمساح اصلي 100% ب 300 أو 350 درهم
أشتريت لي ولأإخواني وربعي وحتى خواتي يمكن 40 نعال أخذت من هناك
وعلى طاري فريدة أخذت عنها كم شنطة وشي جاكي وشي بعد محل نسيت اسمه بس لا تاخذون سوع مب شي
قهر صدق قهر حتى انا دوم لما شي يعجبني ويكون خاطري اخذه يطلع غـــــــــــــــــالـــي صح انه حلو بس السعر وايد امبالغ فيه..
وعنــــــــــــاد لهم ما آخذه وأروح أخذ أرخص شي بالمحل بس عشان اقهرهم خخخخ..
اتذكرت موقف حــلــو كنت في محل وشفت تي شيرت وايد عيبني وعليه فصم كبيره كان اقول لراعية المحل باخذه بس انتى متأكده ها الفصم ماتطيح ومضبوطه كان اتقولي ايه دي احسن ماركة عندنا وتمت اتخربط كان أيود الفصم وأيرها بقوووووه وانقطعت قلت لها شو ها اتقصين علي ماباه عصبت الحرمه وطلعت من عندها اقول لها ياللي تبين اتغشيني مابا من عندكم شي ملابسكم كلها غش خخخخخخخ..
قهر في قهر في قهرررررررررر..
زين بقولكم شي
بخصوص النعل
انا وقفت شراء من نورس و باشوتي وراديو درايف طالق طالق طالق
الحينه طايح على الطواش اخذ 5 نعل بي 1000 درهم حق سنتين او ثلاث جدام
و نعلهم صناعة اماراتية.
بروكر سنافي
نحن أغراضنا وايد خخ
بس الله يهدينا وما نسرف
الواحد لازم يكون عنده ترمومتر يقيس به تصرفاته ويعدلها ..
الريال لبسه كامل مايكلف الف درهم
كندورة 300
وزار وفانيله 50
غترة وعقال وطاجية 150
نعال وانتوا بكرامة 300 (نورس تقليد)
ساعة 200 (تايلند من عند فريدة)
الحريم بس شنطتهن ماشاء الله عليهن 1000 درهم اما الباقي مايحتاي وطبعا مش الكل في منهن يفكر بعقل انه الفلوس لها استخدام ثاني غير المظاهر والتباهي
وطبعا الضرورات قبل الكماليات