صالح العامري ,,, تحدي واصرار وعزيمه !!!!

اليوم من الملل ماعرفت شو اسوي,,,

قلت بفتح التلفزيون … بشوف فلم ,,او برنامج وثائقي ,, أي شي ,,, واول قناه طلعت سما دبي
وكان فيها برنامج الميدان ,,, قلت خليني اشوفه ,,, وشوف هاليويله شو يسوون

المهم

وهذا اللي خلاني اتابع البرنامج كله ,, ووالله انها دمعت عيني مب الا دمعت الا صحت <<< ماشالله دموعي تبا سبب,,
قلت سبحان الله كيف تكون الاراده… والانسان لو كامل في كل شي وماعنده عزيمه واصرار واراده صدقوني ولا شي ,,,

اللي شفته ان شخص والنعم فيه ويعل بطنن يابته الجنه … ماهمه أي شي المهم يثبت وجوده ,,, مافكر في اعاقته ,,
لكنه تحداها ,,, واثبت انه عكس من يشوفه ويقول انه مايقدر ,<<< يقدر بعزيمته وايمانه واصراره ,,,

تحدى صالح العامري اعاقته وهي بتر وحده من ريوله وتقدم في برنامج الميدان يمشي على عكازتين وقال اتقدم لليوله رحبوبه وماقصر ماشاء الله عليه يال بريل وحده ,, وماتصدقون انه تأهل في اليوله من مدينة العين لدبي ,, لكن للاسف ماحالفه الحظ عقب ,,,

كان اليوم لقاء معاه على قناة دبي في برنامج الميدان مع سعود الكعبي ,,, وتكلم عن سبب اعاقته من يوم كان عمره سنتين وثمان شهور ,,, والحين ماشاء الله عليه عمره 18 سنه ثانويه عامه ,,, ولا مهتم فيها ,,, انسان الله اعطاه الايمان والصبر والتحدى ,,, ويفكر يكمل دراسته الجامعيه تخصص زراعه علشان يشتغل في بلدية العين ,, ماشاء الله على طموحه ,,,

وكانت هناك مفاجأه ماخلت صالح العامري يكمل اللقاء وهي تقدم الشيخه هند بنت مكتوم ال مكتوم ام الشيوخ ,,, بالتكفل بالسفر واجراء عمليه لتركيب رجل صناعيه لصالح على نفقة سموها ,,, الله يطول بعمرها وهذه البادره مب غريبه عليها ,,, هذي نقطه في بحر من اعمالها الخيره ,,, وقتها فعلا حسيت انه يستاهل الدمعه اللي نزلت مني ,,,

صالح العامري