باليوم المشهووووووود 1/1/2011 الساعه 00:00
الكل كان يترقب هذه اللحضه
ويعمل لها الف مليوووون حساب
وانا المسكين !!!!! ياغافلين لكم الله !!!!!!!!!!!!!!
سرت وديت الاهل بهاليوم المشؤوووم من بوظبي لين القريه والشارجه ( بس ) وعقبها ما سرت لا يمين ولا شمال والله ,,,,,,طواااااالي عالبيت على بوظبي .
لكن يوم انا راد بوظبي ؟؟؟ سلكت الطريق ( الي يروح !!!! ما يرجع ويغرز) ما ادري شووووه اسمه بس هو يمتد من نفق الملا بلازا /دبي الى شارع الشيخ زايد الحيوي .
خير اللهم اجعهله خير من دخلت هالنفق (الملا بلازا) ما ترقعت باسم الله ؟؟!!!
دحيت بريك وما شليته الى وانا عند مركز مزايا بشارع الشيخ زايد
والله ياجماعه من الساعه 10 مساء والى 2 صباحا( بمنطقه هالخمسه كيلومتر) فقط
ويوم طفرت !!! قلت اوني باتصل بعمليان الشرطه (قوي) لاطلع على مشكله هالزحمه يمكن احلها !!!!! اونه
رد على واحد !!!!! زيغني
قلت له ياخوي انا عالق بزحمة جسر القرهود وابغي اطلع !!!دخيلك شوفلي حل ؟؟؟ترا في عندي عائله ويهال وحريم وفيهم مرضى واليهال يصيحون يوعانين والى يبي يسير الحمام والي !!! والي !!! والي!!!
جان يقول لى !!!!!!!((((((عادي الموضوع طبيعي !!!!! كل راس سنه تستوى هالزحمه )))))
(((((((((((((((((صدمني برده القاسي ))))))))))))))))
قلت لا حول ولا قوة الا بالله ,,,,,,,,,,حسبي الله ونعم الوكيل
انطرررررريت اتريا بالزحمه لين وصلت الى عنق الزجاجه وسبب المشكله ؟؟؟؟؟؟؟؟؟
شووووووه تتوقعوون السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟مصيبة المصائب
حادث !!!!!!!! لا
مظاهره !!!!!!! لا
اعتصام !!!!!!! لا
خلل بالشارع !!!!!!! لا
نمله معديه !!!!!!!! بيكون ابرك
يوم وصلت والا شرطي مرور موقف سيارته بالنص ومعاه جهاز لاسلكي !!!!
ويالس
حول !!!!ارسل !!!!!!! ارسل !!!!!!! حول
آخر شي هازر تال عمرك
توقعوا شووووووووة يالس يسوي ؟؟؟؟؟؟؟؟
موقف الشارعين دبي بوظبي و بوظبي دبي ويخطف الناس بين الشارعين من فتحات غير قانونيه ويمرر سياره سياره ((((بالاقساط))))
بغيت اموت من القهر واسوي فيه جريمه بذاك اليوم
اشكرك على مرورك الطيب لكن شكلك ما فهمت شووه كاتب
سبب المشكله !!!!!!!!!!من
>>>الشرطي المامور من العمليات
وطريقة رد الضابط المناوب يوم ما حاول يمتص غضبي وغضب غيرى من المستائين
حبوب دبي ما تهمها دولتهم و دولتنا و دينهم و دينا لكم دينكم و لي دين
المردود المادي لدبي في هالساعه بالملايين من مطاعم و فنادق و بوابات سالك و تكاسي و مترو
ها المكسب الاول و الاخير دبي و بيع حقوق بث احتفال راس السنه لاطول برج في العالم
انا عشت في الخارج و شفت المسلمين في الدول الاوروبيه و الامريكيه لو يشوف عربي و مسلم ما يعبره ولا كانه مسلم و تبغي المسلمين يسوون احتفالاات عيد فطر و اضحى و يعزمون الاجانب لا طبعا يوم المسلم لاخيه المسلم ما يسوي له سالفه الاجانب شو يبون فيكم علشان يحتفلون
فيه عيب و في قصور بس منطقيا المكسب المادي اهم هذا واقعك و تعايش معاه
هالاحتفالاات لمكسب مادي فقط و احتفاليه لا اكثر ولا اقل علشان اتعب نفسك و هي الا ساعتين في السنه فطنش احسن
نحن ننقهر انه هالمصاريف و هالدعايه تصير في احتفال كفار و احتفالاات محليه مش طابع اسلامي
تصير احتفالاات في العيد الوطني و عيد جلوس الشيوخ زينه شوارع و احتفالاات شعبيه و مسابقات
بس في عيد الاضحى و الفطر ولا في شي بالمرة الكل راقد لا نشوف احتفالاات في برج خليفه ولا العاب ناريه علشان الناس و دول العالم تعرف انه في احتفال للمسلمين في عيد الاضحى و الفطر
الكلام وايد و تعبت اكتب بصراحه هههههههههههه
المهم ها درس كبير لنا و تعلمنا انه من تصير احتفالاات في دبي الكل يقعد في بيته يطالع من التلفزيون ابرك بدل صدعة الزحمه و التاخير و البهدله نحن المواطنين مب قد هالسوالف فخلونا في البيوت ابرك
الغالي انا متفهم موقفك .. بس شو تبا الشرطه تسوي .؟
تطرش هليكبتر ل كل واحد عالق فالزحمه و يشلهم و بعدين تطرش هليكبتر ثاني يقلص سيارتهم .؟؟؟
هالاشياء لازم تصير .. و لو انه مالها داعي .. يعني راس السنه اوكي .. ليش تحتفلون .؟ حررتوا القدس او سويتوا شي عجيب .!؟!؟!
.
.
.
المثل المصري يقول
دبّور و زن على خراب عشه
نصيحتي لنفسي و لجميع اخواني، عدم التواجد في مثل هالأماكن بهذي الأوقات من السنة
و انتهاج المثل القائل
حشرن مع الناس not عيد
في دولهم ما احتفلو بهالصخب !!!! ودبي تبا تقولهم نحن قبلتكم