صدمتي في كارفور … فتحوا مخكم …

بخبركم سالفة استوت لي البارحة في كارفور وطبعن انصعقت وما صدقت اللي يالس يصير …

رايحين ناخذ سامان حق البيت فمريت عدال الالكترونيات نشوف التيلفونات … عيبني تيلفون سوني اريكسون فقلت باخذه …. بكم قالت ب 1690 .. فقلت اوكي انا حصلته برا 1900 بعدين قلتله ماشي ديسكاونت … قالت لحظة شوي … ردت علي قالتلي 1499 … وانا مستااااااااااانسة اقول في خاطري صدق تنزيلات حلوة ….

المهم وين التيلفون قالتلي هاذا باقي اخر قطعة مال الديسبلاي … قلت ماعليه عادي تراه الديسبلاي يروونه الزباين بدون بطارية …. المهم خذت التيلفون وانا متخبلة عليه وعلى سعره …

رديت البيت حطيته في الشرش … ركبت البطاقة … شغلته التيلفون …

وياااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااصدمتي …

المكالمات الواردة 22
المكالمات الصادرة 4
المكالمات اللتي لم يتم الرد عليها 3

قلت ما عليه يمكن كانوا يجربونه …

المسجات ..:
6 مسجات باللغة الفلبينية مادري شو من العللل …

قلنا ما عليه …

دخلت ع الصور حصلت صور في البيت وصور يهال فلبينين ….

وهنيه عرفت انه التيلفون مستعــــــــــــــــــــــــــــــــــــــــــــــ ـــــــــــــــــــــمل باعولي اياه ع ساس يديد …

طبعن من الصبح سرت لهم … وتضاربت وياهم … قالولي بنييبلج واحد يديد … وانا الحين في الاننتظار ..

نصيحة لا تاخذون شي الا اذا هو مسكر او يفتحونه جدامكم … انا صدمتي فيهم كبيرة …