السلام عليكم
صديق لي طلب المشوره وانا اطلبها منكم
صديق لي وكل شخص يشتري له مـعدات لمشروع وسلمه المبلغ كاش بناء علي الثقه
المهم بعد تسليم المبلغ بشهرين لازال يتعذر ويماطل وهو في الاصل مفلس الله واعلم وين حط هالمبالغ
المهم صاحبي يريد يشتكي عليه لجهه قانونيه ولاكن ماعنده اوراق تثبت ذلك
بس الشي اللي في صالحه هي هذه النقاط التاليه
– انه حتي الان لم يخبر صاحبه بأنه شاك في امره وكل مايكلمه يقوله انتظر وابشر بالخير وصاحبي وهو يضحك افا عليك الامور طيبه يعني من المككن انه يسجل اي مكالمه صوتيه بينه ونبين هذا النصاب
– لديه رسائل نصيه من النصاب يقول له اصبر وان شاء الله الخير جاي ومبلغ في امان ومن هذا القبيل
– عمليات تحويل المبلغ كانت ايداع من مكينة البنك وهي بجانب منزل صاحبي اللي في ابوظبي ويرسلها للنصاب المقيم في الشارقه يعني ارسلها علي كذا دفعات من نفس المكينه علي رقم حساب النصاب
ما ادري هل يمكن استغلال هذه النقاط لصالحه قبل عمل اي تحرك ؟
والله يعنيه
وفي انتضار مشورتكم
استغفر الله العظيم انا اعرف واحد مسوي في ولد عمه نفس هالسوات ماخذ منه فوق 200 الف درهم يستثمرهم ، والحين كل ما يسير له يتعذر بالازمه العالميه وانا له فلوس عند التجار وهكذا على الرغم من ان صديقي يقول ما شفت اي تاثير على ابن عمي يدل على ان خسر او ما عنده فلوس. وكل ما يسير له ما يحصل الا كلام، والريال مستحي يبلغ عليه لانه ابن عمه. الله المستعان
خله من الحين يكلمله اي محامي ع الاقل يعطيه افكار يمكن تساعد صديقك انه يخزه عليه دليل اكبر ما يمكن يتهرب منه …
حسبنا الله ونعم الوكيل الجميع اصبح يتمادى فى الهروب
ان شاء الله اخي كل شي برجعلك ويتعاقب المجرم
اسمع كلام حمدمحمد حمد
ادرس الموضوع ابسرعه و استشير محامي أو ضابط تحقيق عشان ارتب الموضوع
و انا انصحك بادخال شهود
حاول تجتمع معاه و معاك شخص أو شخصين شهود طبعا من غير أهلك عشان بكره ينفعونك في المحكمه
احتفظ بالمسجات
احتفظ بحوالات البنك
سجل له قد ما تقدر
بس قبل كل هذا اثبت انه نيته مب صافيه و اطلب منه اثباتات باسلوب حلو قوله الدنيا حياه و ممات و انا ما أخوّن فيك بس با أضمن حقي
اذا رفض و ظل يماطل معناته اتأكدت من سوء نيته
على طول ابدا اجمع كل الادله بمتابعة و استشارة مكتب محاماه أو حد من معارفك من ضباط التحقيق
والله يوفقك ويعينك