صــــلالــــه

الاسعار تتغير 180 درجه في شهر 8 ,, للأعى طبعا ً

لا تطلع لين ما تحجز للسكن

رحلة موفقة للكل ان شاء الله

السلام عليكم ..

اخواني خواتي اشركم على هذا الموضوع الطيب اللي فتحتوه ..

وانا باذن الله بفيدكم بكم شغله واتمنا انكم تستفيديون منها

اخواني بحكم زيارتي لمنطقة صلاله في حدود 8 مرات تقريبا خلال السنوات العشرة السابقة والي كانت كلها بالبر السياره ..

فاكيد انا انصح الاخوان انهم يروحون بسيارة فور ويل اكيد وبدون نقاش ..

ظرورات السفر :-

تاكد انك بدلت 4 تواير للسياره قبل لا تفكر في اي المكينه ..

تاكد بعدها من تبديل ايل المكينه

لا تحاول انك تغلط الغلطه وتبدل ايل القير .. لان ايل القير المفروظ تغيره كل 50 الف او 60 الف ولازم تغيره قبل لا تسافر بشهرين لان معظم قيورة السيارات تحترب بعد تبديلك للايل والله اعلم ليش ( صدقوني يا اخوان من دون حلفان ) سيارة البيت يديده من الوكاله غيرت زيت القير بعد 40 الف بعد ما طلع من الوكاله ب سبوع خترب القير وتكسر وشرط السيارة يسوقها الوالد بعد الفحص والمعاينه تبين ان الايل كان ناقص وهو السبب في خراب القير وتم تبديله وتصليحه على حساب الوكاله ودفعنا نصف التكاليف ..

تاكد من فعالية مكيف السيارة ..

تاكد من تبيديل فلاتر الهوى والمكيف ..

تاكد من حالة السيارة عشان ما تتلعوز في الطريق ( السيارة بحالة الوكاله اهم شي )

اخوي الطريق من الامارات الى صلاله بسيط جدا وما يباله دليل واحسن طريق تتبعه ..

اذا انت من دبي تروح علا طريق حتى عمان وتنطلق ناحية مسقط وقبل مسقط راح تشوف لوحات ارشادية الى صلالة اتبع الوحات وانت والخير رباعه وصدقني ما راح تندم ..

اما اذا انت كنت ياي من الامارات الشماليه فتاخذ طريق كلباء مسقط الى صلالة ..

الطريق بالتفصيل الممل ..

الامارات – حتا – شناص – صحار – الخابورة – مسقط – سمائل – نزوى – قرن علم – دمريت – صلالة

اما عن الفنادق والسكن

صلالة السنه هذي زحمه زحمه زحمه

وبصراحه ما ابا اخوفك من السكن .. بس شيخي حقيقه لازم تعرفها ان السكن وايد غالي هذي السنه وجرب حظك انت وما راح تخسر شي لو ما عجبك الوضع ارجع بصراحه يقولون الاسعار زادت انا كنت استاجر غرفتين وصاله ب 400 يقولون هذي السنه رتفعة شوي

اذا تبغي تحصل مكان شغل سيارتك خلال ها اليومين وتوكل وانت والخير رباعه بس لو تاخرت بتلوع جبدك من الزحمه وما بتحصل حجز سكن

وهذا تقرير خفيف عن صلالة

درجة الحرارة اليوم / صلالة المدينة العظمى 32 والصغرى 27
الجبال المتاخمة لصلالة العظمى27 وفي المساء جميل وبارد وتصل درجة الحرارة الصغرى 24 درجة مئوية
فوق في الجبال العظمى26 تصل في المساء إلى 20 درجة .

الجو/ صلالة المدينة /تغطية بالسحب شبه كليا
الجو / على الجبال / تغطية بالسحب كليا
امطار على صلالة / لايوجد
امطار / على الجبال / فقط رذاذ خفيف جدا
حالة البحر / هائج الموج
طبيعة الجبال / الجبال لازالت لم تتحول للون الأخضر

الرطوبة / مرتفعة بالمدينة منخفضة على التلال والجبال
ملاحظـــــــــــــــــــــــــة / الجبال تبعد عن المدينة 12 كم فقط
الضباب في الجبال /خفيف في أغلب جبال ظفار مجال الرؤية جيد جدا
في المدينة /رطوبة عالية
الشمس / محتجبة80%في صلالة في حاليا وفي الجبال بنسبة 95 %
الرؤية بالجبال /جيدة والضباب خفيف في المساء
السبب / جو رطوبة وكثافة للسحب
سياح من اوربا والغرب
سياح من الخليج
اسعار الفنادق والشقق منخفضة بشكل كبير
الغرف من12 ريال عماني الى 60 ريال عماني مع الأخذ بالأعتبار أن الأسعار ممكن ترتفع تدريجيا
الشقق من 25 ريال وانت طالع حسب الجوده مع الأخذ بالأعتبار أن الأسعار ممكن ترتفع تدريجيا
الفلل من 50 ريال وانت طالع حسب الجوده مع الأخذ بالأعتبار أن الأسعار ممكن ترتفع تدريجيا
سيارت الايجار /
الدفع الرباعي 25 ريال الى45 ريال عماني
الصالون من 10 ريال الى 18 ريال

الرذاذ خفيف جدا

اتمنا يا خوي اكون فدتك وكان ودي افيدك اكثر واكثر في الاماكن اللي تزورها بس والله انا في لبنان وكتبت هذا الموضوع على السريع بس يوم بتوصل صلاله ما بيقصرون وياك

روح البر . وروح الجبل وروح عند نافورة البحر يعني لا تقصر ابد لا تخلي شي

زين والله فتحت هالموضوع لاني ناوي اسير ان شالله

متابع…..

حياك الله اخي العزيز

بالنسبه لصلاله

انا شخصيا انصحك بالفور ويل

متعة صلاله وحلاتها بالفور ويل لانه في اماكن روعه ما يوصلها الا الفور ويل

بالنسبه للطريق

طبعا تتجه الى البريمي ومن هناك تتوجه الى عبري

ومن عبري اول ما توصل عبري يعني بتكون اللوحات موجوده في الطريق

ادلك على صلاله

واذا بغيت معلومات اكثر عنها فالك طيب

بس بخصوص السكن افضل شي انك تاخذلك فيلا

والفلل اللي فيهن 8 غرف يوميتهن تقريبا 2500درهم

250 ريال عماني

وفيه طبعا فلل وشقق ارخص من جي

فبتلاقي ب 1500 و 1000 و 500 وحتى 250

وانته عاد على حسب رغبتك

اذا كنتو عايله كبيره وايد انصحكم بالفيلا 8 غرف وبالعاده تكون طابقين

والسموحه من جنابك اذا قصرنا في معلومه

اي استفسار فالك طيب

8 thoughts on “صــــلالــــه”