السلام عليكم ورحمة الله وبركاته
من منطلق صرح يعم بالمعلومات و العروض والطلب والمساعده والمنافسه وحب التعاون والخدمه الانسانيه والمنطق .. هنا في اكبــر وافضل المواقع الاماراتيه تقريبا في فئة بيع وشراء السيارات
وتزويدها ..
وتزويدها ..
صناعية منتدى الامارات للاوراق الماليه ، هي عباره عن منطقه تعتبر كصناعية تتميز عن غيرها انها
مجانيه .. سواء بالخبــره التي تستغل بالمال كفحص السياره ..
مجانيه .. سواء بالخبــره التي تستغل بالمال كفحص السياره ..
هنا سيكون الرد على المشكله بمنطلق ” من واقع تجربتي ” او بالاحرى كالمثال الدارج ” اسأل مجرب ولا تسأل طبيب ” ويلغى النظام الشائع ” يمكن ”
اخواني اطلت عليكم كثيراً ، وعبرت قليلاً وفي نهاية الامر الموضوع انفهم ،
هنا ستكون عرض المشاكل التي تواجهكم في سياراتكم ، وسيتم الرد عليه من قبل الاعضاء التي واجهتم المشاكل وتم حلها او من جانب خبره
هنا ستكون عرض المشاكل التي تواجهكم في سياراتكم ، وسيتم الرد عليه من قبل الاعضاء التي واجهتم المشاكل وتم حلها او من جانب خبره
اتمنى المشاركه ..
ان كان الموضوع يستحق ان يثبت فليثبت حتى تعم الفائده
مساكم الله بالخير.
عندي مشكلة وما عرفتلها للحين وهي ((عندي بي ام 318 موديل 99 ، وعندي صوت و اهتزاز ف الشفت من سرعة 100 و رايح ، فحصت الشفت و الجير و كل شي تمام ولله الحمد بس عندي هذي المشكله ))
جزاكم الله خير
عالين المقامي ما قصر و زبده كلامه انه احسن لك لا تبدل القير ..
الصراحه التربترونك من تعطيه هيدرز و فلتر و برمجه يطير …
مادري ليش تبا تخليه قير عادي
بخصوص كراجات التحويل كثيرة وكل كراج له سعر ..
..
كراج الدوحة في العين يحوّل السيارة من تماتيك الى عادي
كراج الكيومي في العين يحوّل السيارة من تماتيك الى عادي ..
..
الحين لو بتاخذ السامان من السكراب بيطلع عليك ارخص ..
لو بتاخذ السامان من الوكالة بيكون اغلى ..
والاشياء اللي انته تحتاجها :
دفريشنات امامية وخلفية
قير مع الدبل والكلتش
كيج جديد مال قير عادي
عصا الكلتش + عصا البريك + سلندر الكلج والبريك
كمبيوتر قير عادي + ثروتر مال قير عادي
ظفيرة كمبيوتر
راديتر مال قير عادي
عصا القير + ديكور اللي صوب القير
………………..
تقدر اتخلّي الكمبيوتر نفسه والظفيرة نفسها والثروتر نفسه والراديتر نفسه بس لازم اتوديه عند كهربائي يظبّطلك اموور الظفيرة
لانك لو بدلت القير والدفريشنات فقط راح تطلع عندك مشااكل ..
المشاكل اللي راح تطلع :
ليت الريوَس ماراح يشتغل عندك
مثّبت السرعه ماراح يشتغل عندك
ولو غيرت الكيج وركبت كيج مال قير عادي ماراح يشتغل عندك الآر بي أم
وماتقدر اتركب ثروتر مال قير عادي على نفس الكمبيوتر لانه كمبيوتر موترك مال تماتيك
يعني لازم يلعبون بيوايرات الظفيرة
ولو خليت الراديتر نفسه لازم يسدّون الفتحات اللي تحت مال تبريد القير التماتيك
وعن الاسعاااااااااااااار بصراحه كل مكان له سعر ويعتمد هل بتاخذ من السكراب او من قطع الغيااار …
بعد ما اتخلص تبديل القير والدفريشن
اتروح للكهرباااااااااااااااااااااااااااااااااااااااااااا اائي
عليك بمحل الزعيم اللي في العين (( سالم سعيد )) ولكن اسعاااره غالية
يسوّي الاموووور كلها من ترتيب ظفيرة وغيره ويعدل الامووور الكهرباائية كاملة تخصص فتك واستيشنات
وعندك في دبي كراج سما آسيا في صناعية راس الخوور (( العوير )) تخصص فتك واستيشن
والسموحه هذا اللي عندي بس صدقني بيعوّرك راسك من صدعة الصناعيات