صندوق خليفه لدعم المشاريع الصغيره والمتوسطه .. اللي عنده خلفيه يدش

9 thoughts on “صندوق خليفه لدعم المشاريع الصغيره والمتوسطه .. اللي عنده خلفيه يدش”

1. وين موقعهم في مدينة العين يا شباب

2. اخوي اول شي تقدم عندهم و يطلبون منك معلومات مثل الاسم و الجنسية و عدد الاسره اذا متزوج و كم راتبك و هل عليك مديونيات ولا لا و كم تدفع شهريا لهالمديونيات هل عندك ضمانات اخرى مثل ارض رخصة الخ الخ
   و يسئلونك شوية معلومات عن فكرة المشروع هل هو جديد او قائم كم مبلغ التمويل المطلوب الخ الخ

   التمويل من مليون الى ثلاث ملايين بدون فوايد بس في رسوم ادارية 1% اعتقد + لازم تحط 10% من قيمة التمويل تأمين كاش عندهم قبل لا تبدا المشروع

   المهم بعد التقديم بيتحول ملفك لواحد من الاستشاريين الموجودين و بيبدأ يسوي وياك مقابلات و يطلب منك معلومات عسب يكمل فايلك و يقدمه حق لجنة التوصية اذا قبلو لجنة التوصية المشروع يتحول للجنة التنفيذية للموافقه النهائية

   و مب لازم تحضر الدورة اذا شافو فيك المؤهلات

   كل شي يباله واسطة الا اذا مشروعك فريد من نوعه..

   بعضهم سووا مطاعم عادية للاسف بدعم من المشروع اللي المفروض يدعم الافكار الجديدة و الابداعيه

   المهم الاجراءات تاخذ وقت

   و شكرا

3. اكيد بقدم دراسه جدوى للمشروع .. بس كيف اقدم المشروع للمشروع .. قصدك اقدمه
   للاداره وهم يقدمونه للبنك وبعدها اذا وافقوا ولالا اخذ الدوره ولازم انجح فيها بعد ؟
   انته دعموا مشروعك ؟مشكور اخويه وانا اختك هب اخوك

   لا انا اقصد انه الشهاده تكون عندج قبل كل شي قبل ماتقدمين المشروع حق الاداره
   وبخصوص انهم دعمو مشروعي ولا لا
   انا كنت مسوي مشروع اللي هو بس عشان امشي الكورس لانه ها متطلب من متطلبات التخرج انه تسوين دراسه جدوى اهم اتصلو لي قالو لي تعال سو مقابله بس انا مارحت
   ههههههه لاني انا بروحي ماكنت مقتنع فالمشروع اللي مسونه فكيف اروح اقنع لجنه بكبرها

4. بخصوص الدوره اللي قلت عنها انا خذيتها وكنت من اول دفعه من اول الناس اللي خذوها واسمها دبلوم اداره المشاريع الصغيره والمتوسطه
   بس اذا عندك اي مشروع تقدمه للمشروع وبعدين اهم يقدمون المشروع للبنك اللي راح يمولك واذا اقتنع البنك راح يمولونك واذا ما اقتنع ماراح يمولونك وفوق هذا كله بتسوي مقابله معاهم قبل كل شي ولازم يكون عندك دراسه جدوى للمشروع اللي بتسويه تقدمه لهم ( هذا اللي اعرفه لما تخرجت من الدوره بس ماعرف اذا الحين غيرو قوانينهم ولا لا)
   اتصل واسال عن قسم (جمعيه اتحاد الصناعيين) في غرفه تجاره وصناعة ابوظبي اكيد عندهم اجوبه حق الاساله اللي عندك…

   اكيد بقدم دراسه جدوى للمشروع .. بس كيف اقدم المشروع للمشروع .. قصدك اقدمه
   للاداره وهم يقدمونه للبنك وبعدها اذا وافقوا ولالا اخذ الدوره ولازم انجح فيها بعد ؟
   انته دعموا مشروعك ؟مشكور اخويه وانا اختك هب اخوك
   

5. السلام عليكم ورحمة الله وبركاتة

   حبيت اسال عن صندوق خليفه لدعم المشاريع الصغيره والمتوسطه
   شو المطلوب من اوراق ؟ شو سالفه الدوره اللي لازم ينجحون فيها ؟
   ويدعمون المشاريع اللي في العين ولا بس حاليا اللي في بوظبي ؟
   انا اللي اعرفه وفهمته انهم يعطون قروض مليون بدون فوايد واذا زاد
   يكون عليه فايده بس قلييله ! اذا بغيت ارض اسوي عليه المشروع يكون عليه ولا عليهم ؟
   وهل الشهاده والمستوى التعليمي مهم ؟
   صراحه في بالي كم مشروع ماشفت شراته في العين اللي بيفيدني بكون له ممنوونه
   واهم سؤال يحتاي واسطه وكتاب عشان يمشون المشروع ولالا ؟
   مشكوووورين

   بخصوص الدوره اللي قلت عنها انا خذيتها وكنت من اول دفعه من اول الناس اللي خذوها واسمها دبلوم اداره المشاريع الصغيره والمتوسطه
   بس اذا عندك اي مشروع تقدمه للمشروع وبعدين اهم يقدمون المشروع للبنك اللي راح يمولك واذا اقتنع البنك راح يمولونك واذا ما اقتنع ماراح يمولونك وفوق هذا كله بتسوي مقابله معاهم قبل كل شي ولازم يكون عندك دراسه جدوى للمشروع اللي بتسويه تقدمه لهم ( هذا اللي اعرفه لما تخرجت من الدوره بس ماعرف اذا الحين غيرو قوانينهم ولا لا)
   اتصل واسال عن قسم (جمعيه اتحاد الصناعيين) في غرفه تجاره وصناعة ابوظبي اكيد عندهم اجوبه حق الاساله اللي عندك…

Comments are closed.