صندوق خليفه لدعم المشاريع الصغيره والمتوسطه .. اللي عنده خلفيه يدش

9 thoughts on “صندوق خليفه لدعم المشاريع الصغيره والمتوسطه .. اللي عنده خلفيه يدش”

1. السلام عليكم ورحمة الله وبركاتة

   شو المطلوب من اوراق ؟ صورة الجواز وخلاصة القيد/ شهادة راتب؟/ نبذة عن المشروع

   و سالفه الدوره اللي لازم ينجحون فيها ؟
   دورة عن طريقة عمل دراسة الجدوى و شرح عن استراتيجيات الصندوق اعتقد انها مفيدة خاصة للي ما عنده خبرة

   ويدعمون المشاريع اللي في العين ولا بس حاليا اللي في بوظبي ؟
   هناك دعم في العين

   تبدأ القروض من 250 الف الى 3 ملايين او اكثر حسب المشروع او اذا كان بداية او اضافة
   والقرض ماعليه فايدة وهناك تسهيلات في الاجراءات الحكومية وفترة متاحة لسداد القرض يعني ممكن تبدأ بسداد القرض بعد سنتين
   ! اذا بغيت ارض اسوي عليه المشروع يكون عليه ولا عليهم ؟
   عليك ان تقدم على طلب الارض واذا نجحت معهم يكون لك الاولوية في الحصول على الارض
   وهل الشهاده والمستوى التعليمي مهم ؟
   ؟؟
   صراحه في بالي كم مشروع ماشفت شراته في العين اللي بيفيدني بكون له ممنوونه
   واهم سؤال يحتاي واسطه وكتاب عشان يمشون المشروع ولالا ؟
   ؟؟؟؟؟؟

   ___ وبالتوفيــــــق _______________

2. اخوي اول شي تقدم عندهم و يطلبون منك معلومات مثل الاسم و الجنسية و عدد الاسره اذا متزوج و كم راتبك و هل عليك مديونيات ولا لا و كم تدفع شهريا لهالمديونيات هل عندك ضمانات اخرى مثل ارض رخصة الخ الخ
   و يسئلونك شوية معلومات عن فكرة المشروع هل هو جديد او قائم كم مبلغ التمويل المطلوب الخ الخ

   التمويل من مليون الى ثلاث ملايين بدون فوايد بس في رسوم ادارية 1% اعتقد + لازم تحط 10% من قيمة التمويل تأمين كاش عندهم قبل لا تبدا المشروع

   المهم بعد التقديم بيتحول ملفك لواحد من الاستشاريين الموجودين و بيبدأ يسوي وياك مقابلات و يطلب منك معلومات عسب يكمل فايلك و يقدمه حق لجنة التوصية اذا قبلو لجنة التوصية المشروع يتحول للجنة التنفيذية للموافقه النهائية

   و مب لازم تحضر الدورة اذا شافو فيك المؤهلات

   كل شي يباله واسطة الا اذا مشروعك فريد من نوعه..

   بعضهم سووا مطاعم عادية للاسف بدعم من المشروع اللي المفروض يدعم الافكار الجديدة و الابداعيه

   المهم الاجراءات تاخذ وقت

   و شكرا

   مشكور اخويه بس انا اختك هب اخوك .. لازم يعني اتوظف وعقب اقدم ؟
   المشاريع اللي في بالي فريد من نوعه بالنسبه للعين
   والله يجدم اللي فيه الخير بحاول اشتغل في دراسه الجدوى من الحين عيل

3. لا انا اقصد انه الشهاده تكون عندج قبل كل شي قبل ماتقدمين المشروع حق الاداره
   وبخصوص انهم دعمو مشروعي ولا لا
   انا كنت مسوي مشروع اللي هو بس عشان امشي الكورس لانه ها متطلب من متطلبات التخرج انه تسوين دراسه جدوى اهم اتصلو لي قالو لي تعال سو مقابله بس انا مارحت
   ههههههه لاني انا بروحي ماكنت مقتنع فالمشروع اللي مسونه فكيف اروح اقنع لجنه بكبرها

   هيه ….. عادي اخوي لازم تجرب حظك ومافيها شيء ملينا من المشاريع المكرره
   مشكور ماقصرت

4. برج الخزنة – شارع النجدة – الطابق -14 – أبوظبي

   أما في العين في غرفة تجارة وصناعة على ما أعتقد الطابق الثاني

Comments are closed.