صور حصريه عن اللكزس lx570 sport من البهوان

السلام عليكم و رحمة الله و بركاته

بخصوص اللي طلبوا يشوفون شكل اللكزس LX570 SPORT من البهوان، حبيت أقول إن الموتر موجود في الشارجه. اللي صورته هو الأبيض لأني حاجزنّه و صورته حق الأهل.

الأسود كان وحش، شفته وقت ما حجزت الموتر. بس مالقيته وقت التصوير اليوم، يمكن إنباع.

الموتر ينباع على 355 ألف درهم عندهم (شامل الخدمه مجانيه على 10، 20 و 30 ألف كم). طبعا خدمة الـ 5 آلاف كم مجانيه في الأساس.

و البياع عندهم وده يبوس راسك، بصراحه قمة الذوق و الإحترام.

بينما في الفطيم، اللي بدون زوايد يباه بـ 350 ألف !!! و ما عليه أي عروض أخرى. و مب راضي حتى يشغّل الموتر، جنّك ياي تشحت عنه. على فكره، اللي بدون زوايد في البهوان على 345 ألف و مع الخدمه المجانيه المذكوره فوق. يعني الفطيم ضارب علينا 5 آلاف عـ الفاضي.

مثل ما يقولون، الناس أذواق. و أنا شخصيا حبيت شكله من جدام و ما حبيته من ورا.

بس حبيت أنوّه إن الكل كان مب عايبنه شكل الموتر أول ما نزل، بس الحين مستوي شرات التكاسي في الشوارع.

و السموحه.