جولة سياحية في اوروبا

نزلنا في ميونيخ وطلعنا بالسيارة الى زيلامسي عقب الى فيينا عقب برع اوروبا الى بودابست ورجعنا الى فيينا ومن فيينا لـدبي

صور لطريج دبي-الشارجه….قصدي ميونيخ وزيلامسي

زيلامسي

عقب سرنا على طريج قمة الجبل وين الثلوج (ناشيونال بارك)…مناظر خيالية وقمة الروعة…مع هبوط درجة الحرارة تدريجيا كل ما طلعنا فوق..

وقفة استراحة للتصوير..

ماي طبيعي للشرب والغسول..وايد بارد

العبور بالرسوم عبر بوابة ناشيونال بارك ( 28 يورو للسيارة )

درجة الحرارة 12 تقريبا

وقفة استراحة للتصوير..وواحد من الشباب برد وكان يبا يطلع جاكيت من الجنطه لول

الناس بردانه وانا لابس شورت وفانيله ونعال لان قبل لا نطلع فوق كان وايد حر..تمشيت عالثلج..اول ما طلعت حسيت ريلي تيمدت…

وقفة اخيرة فوق الجبل في الكوفي شوب قبل لا نطلع لـ فيينا..يا ريتني ما شربت كوفي..رجعت في الطريج لين ما لاعت جبدي

يتبع >>>

19 thoughts on “صور رحلتي لاوروبا 2009”

  1. خباااااااااااااااااااااااااااااااااااااااااااااااا ال

    منظر خيالي والحمدالله على السلامه

    تعيش وتسافر بس بصراحه شي عجيب

  3. رائع جدا جدا ..
    صور رهيبة
    اتمنى اني اقدر اسافر مثل سفرتك ..

    كم يوم هذه الرحلة؟

    مشكور الغالي على مرورك..وان شاء الله ايي يوم وتسافر احلى عن هذي الرحلة

    تقريبا اسبوع بسبب ظروف عمل ربعي..كل يومين في مكان..

  5. فيينا
    وايد عرب فيها

    مستوى الفنادق..مب لين هناك كلها قديمة..افضلهم تقريبا ماريوت..اتوقعت الفندق اللي بنسكن فيه في بودابست يطلع اسوا لكن طلع العكس مليون مرة افخم..وفخم جدا..

    كل الخلق تتمشى في هالشارع..كوفي ومحلات ..

    محل Pinochio بالعربي..انا انا ماجد لعبة خشبية

    وهذي منطقة ثانية في فيينا..20 دقيقة من وسط المدينة..جدا هاديه

    جولة في مزارع العنب

    هنغاريا – بودابست

    ما خلونا نطلع بالـ اكس فايف ..رجعنا السيارة وخذنا سيارة صغيرة

    دعايات عن دبي في كل مكان..فيينا وبودابست..

    منظر من غرفة الفندق كمبنسكي..مباشرة على الشارع السياحي..

    مطعم عربي

    دعاية طيران الامارات

    كملت اكثر من ساعه…تعبت…ما يخلصن صور..اغلب الصور الحلوه ما اقدر احطها لان الشباب مرتزين فهيا لول..بكتفي لين هني..

    اتمنى عجبتكم الصور…ولا تبخلون علينا بردودكم

    ملاحظة: كل الصور مصغرة

Comments are closed.