حد ممكن يساعدني ويدلني على كاراج متخصص لصيانة سيارات المرسيدس وتشييكها بدلا من الوكالة وذلك في إمارة دبي

مع الشكر الجزيل

6 thoughts on “صيانة للمرسيدس”

  2. ماعقب الوكالة حد ..

    واذا تبون الرخص من لازم قرقاش او الامارات .

    عليكم في وكالة بن ظاهر . في منطقة الرمول واسعاره روعه وقابل للتخفيض وخدماتهم روعه واللي ما يعرفوله يقولولك من البداية مب يتفلسفون شرات قرقاش . ان شافو قطعه صغيره فيها خلل سارة بدلوها وبدلو كل القطع اللي حذالها !!!!!

  3. Vip

    مجابل دبي فيستفل سيتي

    اخوي الشعالي
    كراج VIP اكبر حرامي وتحذر منه .. انا مودي مرسيدس S55 موديل 2006 عسب يايب القزوز amg بو أربع بدال الاثنين مالت الدفعه الاولى مالت الوكالة . سار الحبيب غيرلي الكمبيوتر وركبلي كمبيوتر عادي ومخرف من عنده . المهم بعد ما طلعته بيومين ضربت خط وحسيت انه مافيه مشي ابدا ويوم وصلت بوظبي شفت الموتر على كل قير يحكر خلاف يبدل !!!

    المهم اليوم الثاني على طول دخلته الوكالة وسوولي تجييك وعلى طول قالولي الموتر طار ضمانه والسيارة كمبيوترها مال وارد والكمبيوتر خربان .. سرت خذت الريبورت ورديت عليهم . اول شي قالولي لا وانت تبا تنصب بس وبرو عمارهم من السالفه .

    المهم شليت بعمري وسرت مركز الشرطة وقدمت بلاغ مع اثباتات بتاريخ دخول السيارة ووقت خروجها وكم كيلو ووقت وصولي الى ابوظبي الى آخره والله من اتصلو فيهم الشرطة قالو لا نحن يايبين فلبيني يديد وملخبط بين السيارات . مع العلم سيارتي الوحيده اللي مانت 2006 واقفه هناك يعني من وين لهم كمبيوتر 2006 عادي ؟؟ وبعدين انا ياي ابا اركب قزوز يعني فك براغي وتركيب براغي لا اكثر , اشلهم يعفدون في الكمبيوتر !!! . والكراج الحين يالس يدفعلي (( قيمة الموتر كامل )) لاني ما تنازلت من السالفة الا بعد دفع جيكات مؤجلة وبشهود اثنين والنيابة العامة وسويتلهم مبايعه للسيارة . لأنهم ضيعو ضمانه والوكيل مب طايع ايدد الضمان .

    اتحذر منهم ياخوي اذا تتعامل معاهم . (( انا كنت ربيعهم وسنين وياهم وخصومات يسوولي وبالآخر شوق شو سووبي ))

    والسموووحه

  4. حد ممكن يساعدني ويدلني على كاراج متخصص لصيانة سيارات المرسيدس وتشييكها بدلا من الوكالة وذلك في إمارة دبي

    مع الشكر الجزيل

    مرحبا اخوووي

    فيه قراج اسمه القمه الاوربيه …. بمنطقه راس الخور
    متخصص في جميع سيارات المرسيدس فقط فقط
    وراعي القراج شخص اماراتي … وطبعا سعره غالي بس ارخص من الوكاله بكثير
    تقريبا القراج معروووووف وكثير يتعاملون وياااه

Comments are closed.