هذا يا اخواني صيد الشعري بالتدمينه وعليك بتكبير الييمه ونوع ييمتك نغر وعومه وقرفى واذا تبى تدلع نفسك والسمك حط صلاخه الصدى وشوف شو بييك في الخيط[img]http://uaesm.maktoob.com/up/uploads/9c254819c4.jpg[/imgaesm.maktoob.com/up/uploads/831c5f8a33.jpg[/img]]

19 thoughts on “صيد الشعري بالتدمينه”

  1. شكرا لصاحب الموضوع،،،

    ما شاءالله 70-80 باع أكيد صوب الفجيرة،،،، الصراحة أنا مجرب التدمينه صوب بحر الطويلة و مب غزر تقريبا 10- 16 باع، و أحسن يوم تكون سماري، و التدمينه أكثر ما يضرب فيها الأحجام الزينة.

    و للفائده العامه، هذي صورة طريقة التدمينه من منتدى أنا متابع فيها (صياد الخليج) للأمانه:

    و البلد اللي أحطه رقم 2 أو 3.

    و هاذيلا الضحايا…………..:

    بس تخصصي هوامير،، لكن محد يقدر يتحدى الذيب سرحاااان الأستاذ الكبير في إعدام الهوامير. انتظروا الصور في موضوع ثاني………….

    تحياتي

  2. مشكورين على المرور
    اخواني البالول وبن منصور مشكورين على المشاركه والتفاعل مع الموضوع وانشاالله ربي يقدرني واخذ لنش 100 قدم وودي كل اعضاء المنتدى الحداق وبتكون اخر مره انسير هذا المحدق لانه عقب ما بيتم فيه شي هاهاهاها وفالكم طيب اخواني.والسموحه

  3. تسلم اخويه على الشرح الواضح وعى الإجتهاد ويعطيك العافيه ان شاء الله ونراويك الصيد على طريقة التدمينه …

    بس نحن معروف شو بنصيد ؟؟ الله يعزك نعله مبطيه ولا كيس ولاحصاه

    ها اكثر صيدنا وآخر شي نرد بدون خيوط كلهن متشربكه

    وان شاء الله النا رحله معاك ياصلاح بس تكفاا ابا اصيد قرش مابا ارد على شعري (ابا ابيض ويهي عن الشواب وراويهم صيد طيب )

    بالتوفيج للجميع

    السلام عليكم وين تبون ،خذو اجرى واخذونى اوياكم 0

  4. على حد علمي ..

    التدمينة متخصصة للشعري .. يعني موب معناتهاا ما تصيد إلا شعري .. بس غالبية السمج الي ينصاد بالتدمينه شعري ..

    إخواني الي يسألون عن التدمينة ..

    تتم طريقة التدمينة عن طريق وضع ميدار أول الخيط ومن ثم شك الميدار بصيمة أو برية حية ( ميول ) أو عن طريق وضع العووق الطولي ( النغر ) في الميدار ومن ثم وضع البلد ( الي هو عبارة عن وزن يعمل على تنزيل الخيط إلى قاع البحر ) وتختلف أحجام البلود على حسب الوزن في الوزن من 6 كج وانت رايح وفي أقل بس ما يستخدم للأعماق الكبيرة .. احنا غالبا نستخدم بلد رقم 8 لأن غزر البحر عندنا يوصل لين 70 أو 80 باع يعني تقريبا يوصل لين 200 م واشوي .. فالبلد يوضع بعد باع أو باعين من الميدار على حسب الصياد وطريقة استخدامه للخيط ..

    والسموحة هذا اجتهاد شخصي وطبعا أهل البحر أدرى بهالأمور ..

    تسلم اخويه على الشرح الواضح وعى الإجتهاد ويعطيك العافيه ان شاء الله ونراويك الصيد على طريقة التدمينه …

    بس نحن معروف شو بنصيد ؟؟ الله يعزك نعله مبطيه ولا كيس ولاحصاه

    ها اكثر صيدنا وآخر شي نرد بدون خيوط كلهن متشربكه

    وان شاء الله النا رحله معاك ياصلاح بس تكفاا ابا اصيد قرش مابا ارد على شعري (ابا ابيض ويهي عن الشواب وراويهم صيد طيب )

    بالتوفيج للجميع

  5. مشكور على المرور
    اخوي الفراغ يزاك الله خير على الورور والمشاركه والترجمه اقصد الشرح وما قصرت وفرت عليه الكتابه.ومشكور يا الغالي

Comments are closed.