السلام عليكم
ممكن حد يقولي كيف أصيد الجنعد
مع العلم إني كل يوم أطلع بحر وكل يوم أشوف الكنعد يخطف تحت الطراد بس ما ينصاد
جربت التشخيط والشب بكل أنواعه
هل في طريقة ثالثة
والي يبغي يشوف مئات من الجنعد يدام عينه يتصل بي وانا بوديه معايه
بس ابغي حل
كييييييييييييييييييف أصيده ؟؟؟
كلام الاماراتي 9009 صحيح 100% ولاكن ممكن تحط بالجة بس بشرط اتكون حية وتسمر بالزندة وعادتن للسمك وقت معين ياكل فية يعني مرات ما تنصاد الى الفجر ومرات المغرب و مرات العصر وتختلف من مكان الى اخر
وان شاء الله تصيد
موفق بإذن الله … لك مني أرق تحية .
هذا موسم التشخيط بالخيط والكنعد وايد منه لكنه يبغي ييمه سمكه حيه واتكون السمكه هي القرفه تنشطر أثنين وتظرب بميدارين والخيط للبلد سبع ابواع وشرط ايكون رقم الخيط 70 وبعد البلد 100 او زياده عندنا شباب كل يوم اصيدون كنعده وثلاث بهاي الطريقه .
بس بعد معاناة أسبوع ما طلعت إلى بثنتين وعلى فكره أنا بعد إستغربت من الجنعد كيف ياي في هذا الوقت بس هو موجود وأنا راعي بحر وأعرف السمج بكل أنواعه كيف ياكل وكيف يسبح وكيف تصيده
بس سألت شوابنا قالوا يمكن لانه سابق وقته يكون شبعان وما يضرب ع التشخيط
وأتمنى صدق حد يطلع معاي لو ساعتين بس يكون عنده حل غير الالياخ لانه المكان ما يساعد
قدام مركز خفر السواحل
مرحبا بو راشد العده جاهزه وين فى البلاد ولا خارج الدوله لانه مب الحينه موسم الجنعد فى الدوله وهل انته متاكد انه جنعد لان الجنعد يمكن اتشوفه يناقز يوم ياكل ولم يسبق ان شفناه يمر تحت الطراريد
مرحبا اخوي
انت من وين تطلع بحر؟
خبرني وفالك طيب نطلع وياك