موضوع للمناقشه 
طبعا أغلبكم استمع للبث المباشر يوم الثلاثاء 29/4/08 فالوقت اللي استضافو فيه سعادة الفريق/ ضاحي خلفان تميم, قائد عام شرطة دبي, عندما طالب الشركات والمؤسسات وعبر البث المباشر بإيقاف ( البونس ) ّّّّّ!!!!!!
“حيث ذكــر بأنه على الموظفين أن يعملوا ويخدموا من قلوبهم وليس من أجل المال، لأن أجدادنـــا عملوا قبلنـــا ،، ولم يحصلوا على أي راتب أو بونس ..!!؟ “
انا شخصيا ما عندي تعليق على هالموضوع بس يا ترا هل زمنا هذا نقدر نقارنه بزمن اجدادنا؟
اترك لكم التعليق 
الصراحة ضاحي خلفان ما عليه غبار وهو من القلائل في البلاد
اما بخصوص البونص او المال
ما يصلي الا ويبى الغفران
مشكور على التوضيح اخوي وبارك الله فيك ….
لكن بعد فكرة بو فارس حسب شرحك مب واضحه … لان البونس اللي بيطبق في إماره دبي ( للمدنيين ) سيكون كالآتي :
الحاصل على تفدير امتياز يستحق اربع رواتب أساسيه + 10% من الراتب الاساسي يضاف للراتب الاجمالي
الحاصل على جيد جدا يستحق راتبين أساسيين + 7% من الراتب الأساسي تضاف للراتب الإجمالي
الحاصل على تقدير جيد يستحق راتب أساسي + 5% من الراتب الأساسي تضاف للراتب الأساسي
أما الحاصل على تقدير مقبول و ضعيف فخل يسير يقشر بصل أحسن له
يعني في تفريق بين الحاصل على امتياز وبين اللي اقل عنه … فشو وجه اعتراض بو فارس؟
أنا سمعت الموضوع كله في البث المباشر، وبو فارس قال اللي تقديره جيد واعطيه بونس عيل شو تم حق اللي اعلى منه يعني اللي جيد جدا وممتاز هذا هو مقصد بو فارس ولكن تم تفسيره بأمر آخر اللي هو انه يبغي يلغي البونس.
لو ترجعون للبث المباشر وتسمعون المكالمة بتتوضح الامور
من قرائي لمشاركاتكم الكل يمدح فيه بس الكل يحب البونص (( وانا حب الفوس شراتكم))… انزين ليش هذه الهجوم ؟ الريال عنده فكره وقالها وان متاكد انه الها مغزى جيد .. الريال افعاله للخير ماشاء الله ما ضني يوم قال هذه الكلام يبى يقطع ارزاق الناس.. هيه كلمه وقالها لا تنفذت ولا اتخذ اي قرار لتفعيلها ..فرجاء مني الي يبى يتناقش يناقش باسلوب غير التهجم يكون نقاش مفيد الواحد يطلع منه بفايده …والسموحه
يا جماعة بونس ادنوك تأخر…حد عنده خبر او حتى اشاعة؟؟؟