~*¤ô§ô¤*~*¤ô§ô¤*~مرحبااا الساااااع ..
اليوم عندي لكم قصيده قريتها في احد المنتديااات وعييبتني وحبيت انقلها لكم
القصيده عن شيبه وعيوووز
الشيبه:
قلبي شباب ولازم اني اعرس…مابي العجوز اللي توسد على الباب
الخير وايد وماني مفلس…عندي فلوس تدعم البنك في حساااب
العيوووز:
ماباقي منك غير خشمك وهالضرس… تبغى تعرس وانت غادي شالغراب
قابل صلاتك الله يشفيك من المس..ولا ترى باطب ويهك بالترااااب
الشيبه:
انتي عجوز واكلك الروب والخس…اماا انا ماكل سوى تكه وكباب
مافيني سكر غير ضغطي نازل بس…دام الهوى فيني ترى كل شي طاااب
العيوووز:
لا بارك الله فيك يالشيبه يالنحس…ماتجيبك الرمسه ولا يجيبك اعتاب
قصر لي صوتك ماابي اسمع ولا حس…عطني طلاقي وانقلع وقبض الباب
الشيبه:
دومك نحيسه وذا لسانك يبيله قص… ربي ترى حلل لي اربع بالكتاب
هذا خميس الاعمى ياكم عرس…مرتاح بالدنيا بلا هم واعتاااب
العيوووز:
بطران وراسك كالصخر يابس وعص… مالوم طبعك يوم ربعك هالكلاااب
غادي شرا الاريل ودومك تتحيس… استح على ويهك اصلع ولعااااب
الشيبه:
فكيني من ويهك ترى مالي اي نفس… زهقان من شوفك وابقالي احباب
هذا طلاقك طالقه اربع وخمس… شلي طلاقك من ضميري بلا حسااب
العيوووز:
مشكور يالشيبه ومن دون اي دس… عندي حبيب ماابتعد لحظه وغاب
يشريك ويبيعك تراه باثمن وبخس… ماتسوى ظفره حلو اسمر وجذااب
الشيبه:
يالله قبل لا اموت منك وقتص… طلعتيلي قرنٍِ وراسي بعد شااااب
ياشينه البرقع ترى قدرك اختس… عجوز لك في الدنيا خلان واحباب؟!
العيوووز:
مثلك تراني وهذا لك في العمر درس… لاني اميز بين شيبه وشياااب
ولا نسيت اني على الموضه اللبس…ماعلموك اني بلا شيله وحجااااب
والسمووووحه ~*¤ô§ô¤*~*¤
الشيبه حليله يعطي كاش ….. اما العيوز ام الخش والدس وعندها حبيب بعد …..
نتعلم ان ما نثق في الحريم حتى على كبر لا وبعد ماشيه على الموضه لاشيله ولا حجاب …..
ظحكت من الخاطر مشكوره ريم المري مواضيعج لو منقوله حلوه ما نلقاها إلا عندج
تسلمي على الموضوع
القصيدة روعة والله يوفقكم
شكرا على مروركم