بعــد الســـلام والرحمـــه …..
واشحــالكم جميعـــا شباب وشبابات ..صيبان وصبيات ،،،،،
أدري اني قاطـع ومقصــر وايــد ولابسنكم من زمــان ….
بس بعــد شو نســوي …. وقت ما في … تايم ما في … كلش بيزي بيزي …
المهـــم … عنــدي سؤال واستفـسـار جدا ضـروري وحـاب آخذ رايكــم وخبراتكــم فيه ،،،،،
واللي هو عن دراســه البكالوريس ( تخصص إدارة موارد بشرية )
ابا حد يخبـرني اذا عنده خبره …عن الجامعتين التاليتين:
(جامعــة الجــزيرة & جامعــه حمدان بن محمد الإلكترونية )
أيهمـــا أفظــل من حيث جودة الدراسه والفائدة منهــا …. ولمــاذا ..؟؟؟؟
ما يهم فرق السعر او المســافه او اي شي آخـــر ،،،،،،
اتمنـى الجــديه …لانه موضوع مهــم بالنسبــة لي ….الدبلوم صار ما يأكل عيش ولا صالونه…
لاني اصلن سجلت بالجزيرة لو تبون الصراحه …بس متردد ..وحد قال لي جامعة حمدان بن محمد أفظــل …
فمحتــــــــــــــــــــــــــــــــــــــــــــــ ــــــــار ..وأبغي مســـاعده نفــرات ….
ومشكــوريـــن مقدمـــــا ……
مرحبــا الســاع …. الحر النداوي ،،،،
انزين شو الاسبــاب … ليش اخترت حمـدان عن الجزيره ….؟؟؟
مع ان رسوم الجزيره الدراسيــة اغلى من حمدان ….اقنعني يعني ….
هلا هلا ريد روزه ( ام سعيــد )
دامج تدرسيــن فيهـــا ….. أكــيد بتمــدحينهــــا …..لووول
تعــدد التخصصات واعتراف وزارة التعليم العالي هاي نقاط معروفه …
بس المهم اللي هو جودة التعليم … يعني ما نبا تزمت وصرامه زايده ….
نحن مزاجنـا بعده نص نص ع الدراسه … مع اني شطور … بس ما احب الالتزام الزايد ..
وشو هاي سالفه الدراسه الالكترونيه ..سامع فيها …بس محدن يبا يرد علي من الجامعه …
كم مره متصل عالجامعــه ….ومحدن يرد ….. نبا نستفسر عن تفاصيــل التفاصيــــل ….
اوقات الدراسه …والمرونه .. نوع المدرسين وجنسياتهم ….. نظام الدراسه …الخ الخ …
لو تبغين الصدق …. انا اللي معيزني شوي … بانهــا بعيــده …ويبالها مشوار رايح راد كل يوم …
وروحي مشغوول وايد وما عندي وقت …… والجزيره ع طريق البيت والدوام …..
فأبــا شي يحمسني أكثـــر …ويحسسني بالفــرق بين الجامعتيـــن ….
واخده بال سعادتك يا اخت ريد رووزه ……. بسير باجر …. بشوف كيف الأجواء …
واهم شي كم بيعادلون لي مواد دراسيه من الدبلوم المنقرض مالي ……
لان جامعة الجزيره معادلين لي 8 مواد دراسيه ..يعني افتكيت من سمسترين …..
يلا ….جني رمست وايد …خخخخخ .من زمان ما حدرت المنتدى وقرقرت قر قر قر ….
بنســوي جــوله باجـــر ….وبنخبــرج بالنتــائج الجولاتيـــه …..
جامعة حمدان بن محمد ممتازة
لا هذا ولا ذاك جامعة دبي احسن
.. الله يوفقك وتلقى الجامعه المناسبة
والاخوة بيفيدونك بآذن الله ..