ضع سؤالك عن الميتاستوك وسوف تجد الجواب

262 thoughts on “ضع سؤالك عن الميتاستوك وسوف تجد الجواب”

1. اخويه بروكر العين

   في الميتا ستوك مؤشر الماكد لسهم دبي الاسلامي ليوم 27/7 متقاطع هل هذي اشارة شراء؟

   وارجو انك تسوي موضوع نقدر نتناقش فيه عن الاشارات القادمه لجميع الاسهم فنستفيد من المعلومه بشراء السهم او بيعه او زيادة في فهم مؤشرات البرنامج ومشكور

2. و أنا مثلك يا أخي بروكر العين ..

   فيعن بعضنا البعض الآخر و ان شاء الله نستفيد جميعا ..

   تحياتي لك ..

3. الحمد لله اخوي ..

   والسموحة منك .. ترى انا ما درست البرنامج ولا اخذت دورات فيه

   كل اللي اعرفه من محاولاتي والتجربة .. والفائدة من المنتديات

   تحياتي لك

4. يزاك الله خير يا بروكر العين ..

   اتبعت التعليمات و انحلت المشكله .. و حاولت اني اختصر الكلام اللي فوق بالتالي:
   ضع المؤشر في أي مكان و اضغط رايت كليك و اختار Inner Window -> New
   ثم ضع المؤشر أي مكان في الصفحة الجديده و رايت كليك و اختار Display Base Security

   يزاك الله خير مرة أخرى 🙂

5. اخوي يوسف .. انا بعطيك طريقة بس يمكن تكون طويلة شوي

   بتحصل اطار للفوليوم فوق

   يعني انت غلطت وحذفت المؤشر للسهم

   واستوى volume هو الإطار الرئيسي

   بتشوف له شريط فوق ..

   وبتشوف المؤشرات فوق في الميتاستوك

   اضغط على اي مؤشر من المؤشرات وتم ضاغط عليه واسحبه وحرر الماوس بحيث تحرر الماوس

   على اطار الفوليوم العلوي ..

   الحين بتشوف المؤشر في اطار والفوليوم في اطار ثاني تحته

   طيب الحين نحن نريد مؤشر السعر .. اضغط بالماوس على شريط المؤشر اللي سحبناه اول

   يعني رسمة المؤشر ..

   اضغط عليه مرة واضغط زر دليت علشان تحذفه

   الحين الرسمة فاضية

   اضغط ماوس يمين على المكان الفاضي

   واختار كلمة Display Base security

   بتشوف السهم الخاص ببنك دبي الإسلامي جدامك

   واذا ما فهمت .. خبرني .. بحاول احط لك شرح مصور

   تحياتي

Comments are closed.