وصلت الساعه 5 العصر لمركز التسجيل على اساس اني اسجل حسب الاعلانات المرئيه والسمعيه والمقروئه وكان الموعد حسب النظام في مركز الكرامه وكانت المفاجأه انه لايوجد تسجيل حاليا وعليك ان تحضر اول الصبح وتاخذ رقم وتنتظر دورك والمصيبه اني وجدت مجموعه من الرجال والنساء ينتظرون من الساعه 9 صباحا ولم يصل دورهم حتى الخامسه والنصف عصرا ويمكن ينتهي الدوام الساعه 8 ومايوصل دورهم وبذلك عليهم الحضور اليوم الثاني
طيب يااخوان ليش كل هذي الاعلانات والانذارات وانتوا ماعندكم المقدره على استيعاب هذي الاعداد

19 thoughts on “طابور الانتظار لبطاقة الهويه”

  1. السلام عليكم
    المشكله مب في المراكز المشكله في الناس هم اللي تاخرو لانه باب التسجيل كان مفتوح من سنه 2006 ومحد كان مهتم لين ما فرضوا الغرامه الماليه

  3. البطاقه الهويه بدت عملها من 2006 وتطالب المواطنين انهم يسجلون لكن لاحياة لمن تنادي ويوم حددت المدة وحددت الغرامه الناس كلهم راحت تسجل يعني كان بالامكان تفادي الزحمه لو كل واحد سجل في البطاقه اول باول بس المشكله محد يهتم بالموضوع لين ماتفرض عليه غرامه فالزم انه تكون زحمه في جميع المناطق

  4. وايد ناس أعرفهم نفس الحالة يروحون الساعة 9 يحصلون دورهم الساعة 7 المغرب ……. هذا الكلام في مركز التعاون الشارقة …….

    والحين أنته تقول فالكرامة دبي نفس الكلام ….

    أول شي موضفينهم قليلين …….. مكان التسجيل غير لائق إللي فالتعاون …..

    مفروض يطرشون يخلصون كل موظفين الدوائر الحكومية في دائرتهم ……. وطلاب المدارس في مدرستهم حتى لو الموضوع ياخذ عندهم سبوع ولا سبوعين …. على الأقل يوم بي دور شخص بيوقف شغله لين مايجري الأجرائات الازمه ….. مب أروح وأنتظر بالساعات آخر شي يقولون أنتهى الدوام تعال باجر

  5. مشكلتهم مسويين أفرع صغيره لكل إمارة في الدولة وشكلهم نسوا التعداد السكاني .. مثلا انا يوم سويتها في العين كان المكان صغير ما يستوعب أكثر من 4 عايلات .. المفروض يسوون مباني مثل مباني إدارة المرور ويستوعبون موظفين مواطنين ومواطنات بزياده .. كنت انا اول واحد بشتغل وياهم

Comments are closed.